Génesis 22:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' sojo Betuel chaqaiso só'maq leta'a aso Rebeca. 'Enaua nauá'maq ocho llaalqa so Milca queso Nacor, lqaỹa so Abraham.

Génesis 22:23 Iomraidhean Croise

Génesis 11:29

Ca' so Abram o'ñiguit aso Sarai, ca' so Nacor o'ñiguit aso llaale so Harán leenaxat Milca, lqaỹa aso Isca.

Génesis 22:22

Ime, ca lot ne'qa'iñi saua Quesed, Hazo, Pildas, Jidlaf chaqai so Betuel.

Génesis 22:24

So Nacor 'vii saua liỹa' llaalqa caso leloxoỹaxanata leenaxat Reúma. Ca saua'maxare chaqaisaua saua Teba, Gaham, Tahas chaqai so Maaca.

Génesis 24:15

Ca co'na' saqa' ỹomat da nqouagaxainaxac, ca iuañi'chiguit aso nequetegaxai ỹantalec na lallaac aso nehoma 'laua. Chaqaso' aso Rebeca, llaale so Betuel, ca' so Betuel llaalegue' saua Milca chaqai so Nacor, só'maq lqaỹa so Abraham.

Génesis 24:24

Ca so'maxare 'naaco': —Ỹim llaale ñi Betuel, llaalec aca Milca chaqai ca Nacor.

Génesis 24:47

Ime, ca' senat: ¿Negue' cá'maq qami' llaale? Ca añi'maxare 'naac: Ỹim llaale ca Betuel, llaalec so Nacor chaqai aso Milca. Ca na'le, ca sanagui na limic añi nichicshaqate chaqai daua dos nouaqse' quena lqai'laxat.

Génesis 24:51

Qam 'ajñi', 'añi añí'maq Rebeca, coñita, ca qui', ca' liyi loua ca llaalec cá'maq na'coochi', ca chaqaida dá'maq 'neeta nqai'en ñi qara'gaxala'.

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 24:67

Co'na'le ime, ca' so Isaac ỹauego aso Rebeca quiñi lauo' na'daañi aso shi'gue sou late'e Sara. Ca chaqa'ma' loua aso'maxare. Ca' so Isaac ỹaatqajam nqo'ta aso Rebeca. Ca' quiyi, ca' pal da lachicoxo viichigui na' sou aso late'e.

Génesis 25:20

So Isaac ỹovito'o' saua cuarenta ñaxari co'na' o'ñiguit aso Rebeca só'maq llaale so Betuel chaqai lqaỹa so Labán, sauá'maq arameo nera'ñi yi Padan-aram.

Génesis 28:2

Mo'e', 'itegue da Padan-aram yí'maq na'ñi ca qapichi' Betuel. Ca' vite roua'e' quecaua llaale ca neteesqochi' Labán.

Génesis 28:5

Ca' chaqaido' da 'neeta na' so Isaac ilategue so Jacob da Padan-aram. Ca' so Jacob ỹovito' ca la'a' so Labán só'maq llaalec so arameo le'ec leenaxat Betuel, lqaỹa aso Rebeca, late'e' saua Jacob chaqai so Esaú.

Romanos 9:10

Ca' dá'ogue dajo mesqaidaata, ma' saua dos llaalqa aso Rebeca saua'maxare qaisoota so leta'a' só'maq 'auaxaic qareta'a Isaac.