Génesis 22:2 - La'qaatqa ñi qota'olec Qota'olec & Qota'olec Novita Na Qomyipi

² Ca' ñi qota'olec 'naaco' queso'maxare: —Coñita ñí'maq 'oonoqui' qachaalqui' Isaac, ñí'maq paguec rqo'itaxachi'. Ca' quirepegue' yi 'laua leenaxat Moriah. Ca ma' vichita yi'maxare, ca 'ỹaañiro quiyim vigaxachi' vite rachitaxanataxanaxachi', lli'ralec adá'maq quemaralec ladocai sachaxanem qami' ma'le.

Génesis 22:2 Iomraidhean Croise

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Génesis 21:12

Qam ñi qota'olec 'naaco' queso'maxare: Sqaica huapigui qavilli' quiñí'maq ne'necoqui' chaqai cañí'maq ra'a'e'. Ta'ta'a quiyim 'viichi' dá'ogue dá'maq ỹahotaque añi Sara, ma' ca qachaxataxai'pi chicqochigui ma'le ñi Isaac.

Génesis 21:3

Ca' so Abraham leenaxato' nqai'en Isaac só'maq llaalec caso Sara.

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Génesis 22:16

Ca 'naaco' queso'maxare: —Ñí'maq qara'gaxala' 'naac: Ma' qami' 'viichi' dajo, chaqai quiyim se rauochitegue caỹim ñi 'oonoqui' qachaalqui', ca' nagui saanec da ỹa'qaatec ñallitalta',

Génesis 22:3

Ca' queso liỹa na'xa'a ñaq nete'etam, ca' so Abraham na' ne'laxashiguim, ca ỹo'ueejlec so lalo 'ashin, iỹoxolec queso nqo'paq ỹauaaque lcopatoxonaxat. Ca' eec quepegue' yí'maq ỹicapi'ño' ñi qota'olec, liỹaatac so llaalec Isaac chaqai saua dos lelaatqa.

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

Miqueas 6:7

¿Peeta'a netoon ñi qara'gaxala' no'm saanto'ot ca mil qagreta loua', loqo'm ca diez mil lachiugue quena aceite? ¿Loqo'm quiyim saanot cá'maq ỹi ỹaalec, laseue' na ỹasauaxaset chaqai quiyim se ña'xaỹaxan?

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Romanos 5:8

Qam ñi qota'olec ichoxot da le'xorenataxanaxa coqomi' quiyim so Cristo ileualgoto qomi', 'eno'm ñaqai qomi' sauaqhuaqa.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

Hebreos 11:17

Qai'neeta so Abraham 'uo' da lpi'ỹaxac co'na' qai'guen quiñi qota'a, ca' ỹauec so Isaac quiyim ỹalauat chaqai ỹavigaxat, ca' ỹaanot ñi qota'a. Ỹaatqajam qaica ca huapigui lauel, ta'ta'a quiyim ỹaano so 'oonoqui' llaalec, 'eno'm chaqaiso só'maq ỹachaxantaco' na'le ñi qota'a, co'na' 'naac: