Génesis 22:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' so nelaatec piguim le'ec liỹa roỹaxana so Abraham.

Génesis 22:15 Iomraidhean Croise

Génesis 16:10

Chaqai so nelaatec piguim le'ec 'naaco': Ñqo'naxatec ma'le ca qachaalaxai'pi, ca' qaica ca ishit naloqochin.

Génesis 16:7

Qam so lelaatec ñi qara'gaxala' piguim le'ec iuanejlec quiyi 'laua qaica qom, seeque'ta yi huaxaỹaq ne'paxantashiguim neeta'ñigui so nayic quiyi Shur.

Génesis 18:10

Ca' so 'óna quesaua'maxare 'naaco': —Quena liỹa ñaaxa lotqai liỹa ña'piicha qami', qala' 'ue ma'le ca llaalec añi roua'e' Sara. Qam aso Sara na'xaỹaxantapega sá'ogue so na'qaatqaipi, hueeta'gue na lelaq so Abraham, hueete'e ñi ñigo quiñi 'imec na'daañi.

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Génesis 22:16

Ca 'naaco' queso'maxare: —Ñí'maq qara'gaxala' 'naac: Ma' qami' 'viichi' dajo, chaqai quiyim se rauochitegue caỹim ñi 'oonoqui' qachaalqui', ca' nagui saanec da ỹa'qaatec ñallitalta',

Génesis 31:11

Ca' quesojo i'guemataxac, ca' 'ue so qota'olec lelaatec roỹaxañiua' queda ỹeenaxat. Ca' ỹim sasaachiguit, shinac: Aỹim seuete'e najo.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Éxodo 3:2

Ca hua'ño'yi na'le, ca' qanachaxano' queso lelaatec ñi qara'gaxala' piguim le'ec caso qo'paqo'lli' hueetaugui so norec lauaq. Ca' so Moisés ỹaatqajam na'ijne'tegue, ca iuane'ta quiyim aso qo'paqo'lli' 'ue ana le ỹaatqajam ỹaviquetaugui, qam se nasogoñi.

Isaías 45:23

Ỹim, chaqaỹim saanec na'le da ỹa'qaatec, 'ue na'le da sachaxantac ỹauegaxanaxac, ca' dajo sachaxantac ipaquichigui ma'le: ca quecá'maq seloqota'ñi ná'ogue ỹa'chi'iñi ma'le naua le'cootal, ca ná'ogue ỹaanec da la'qaatec ma'le quiyim ỹaqamqata,

Zacarías 3:6

Ime, ca' so lelaatec ñi qara'gaxala' 'naac queso Josué:

Hechos 7:30

Ca co'na' ime' saua cuarenta ñaxari quiyim so Moisés hueetalec yi 'laua sqaica qom, sqoỹoqaque aso qa' ladocai leenaxat Sinaí. Ca' quiyi hua'ñi, ca qanachaxana queso chicqashiguim qota'a lelaatec, hueetaugui aso qo'paqo'lli' ỹaviquetaugui.

Hebreos 6:13

Ma' ñi qota'a na' 'ue da ỹachaxan queso Abraham, quiyim i'taxajñi, ca' ñi'maxare chi nanecalta', ma' qaica quet cá'maq liỹa paguec lecaic quiyim ỹiga quet.

Apocalipsis 10:5

Ca na' ime, ca so nelaatec piguim le'ec só'maq co'ueetalec ana huaaxai chaqai na 'laua ỹachaxanshiguim da lqai'laxat loic quena piguim.