Génesis 21:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Isaac noquiiquetashiguim, vire'ta na' ỹaxanñi da lillipaxac. Ca' queso na'xa'a co'na' ỹaxanñi da lillipaxac, ca' so Abraham ỹo'ueeto' so lemaqachic lodegaxat.

Génesis 21:8 Iomraidhean Croise

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Génesis 21:7

Ỹaatqajam sqaica ca qom hueetapigui lauel quiyim sco'iguit quet so Abraham. Qam nagui 'ue ñi llaalec, 'eno'm mashic qo'xoỹom so'maxare.

Génesis 21:9

Qam aso Sara iuane'ta qai'neetac so Isaac queso llaalec liỹa so Abraham caso la'a Agar asó'maq Egipto lase.

Génesis 26:30

Ca' so Isaac ỹo'ueeto' so nqui'ỹaxac lodegaxat, ca saua'maxare qui'ỹe' chaqai ne'te'.

Génesis 29:22

Ca co'na'le, ca' so Labán ỹa'ue la'xaỹaxac ỹaltac so la'aayaxauaripi quiyim ỹo'uet so shilaq.

Génesis 40:20

Ca co'na' ỹovirerec saua tres na'xata', ca ỹovire'oga so na'xa'a ne'xaỹoqsoxoqui so Faraón. Ca' ỹo'uet so lemaqachic. Ca' que'e, qui'ỹa'e' ná'ogue na lotauaripi. Ca co'na' reloqota'guit so lalecseripi, ca' so Faraón relaataxana'alo so lashi na 'taxaqui lo'ollipi chaqai so lashi na pan lo'ollipi.

1 Reyes 3:15

Ca co'na' nelouec so Salomón, ca ỹo'leente'te quiyim chi le'guemataxac dajo. Ca co'na' ỹovira'a yi Jerusalén, ca' quepegue' ca na'ñi aso lahite' saua laqataxaco ñi qara'gaxala'. Ca' ỹa'ue aso ỹavigaxat lachitaxanataxanqate chaqai aso liỹa quiyim pilot ñi qota'olec. Ime, ca' ỹo'uet so lqui'ỹaxac, ca nouante'e' sá'ogue so lotauaripi nashillipi.

Ester 1:3

Ca' quesaua tres ñaxari quiyim nashi so Asuero, ca' ỹo'uet so nemaqachic lodegaxat que'e, lqui'ỹaxaua só'maq lotauaripi nashillipi, chaqai so nouaataxanaq lashillipi na'ñi yi Persia chaqai yi Media, chaqai na na'gaxalateripi chaqai na nashillipi quenaua liỹa' 'lauari.

Oseas 1:8

Ca na' ime ỹaxanñi lillipaxac aso se qanqouaguegue, ca' aso late'e Gomer, ca lotqai liỹa 'man. Ca na'le, ca' ne'qaañi so llaalec ỹale.

1 Samuel 1:22

Qam aso Ana sqai eec, ma' 'naaco' queso loua: —Shico' ma' chaqai qague'oga ñi noctoqui' queda lillipaxac. Ca ma'le, ca' se'xat, ma' sahotaque saanot ñi qara'gaxala'. Ca chaqa'ma' ño'ueenaqtañi quiyim chaqaiyi neeta'ñi.

1 Samuel 1:24

Ca co'na' ỹaxanñi da lillipaxac co'na' ñaqai cocho'qui', ca ỹauegueu'a añi no'ueenaxanaxaqui quiñi qara'gaxala' na'ñi yi Silo. Qai'neeta ỹauegue' saua tres huaqui llaalqa, chaqai veintidos kilo so trigo, chaqai aso 'óna loshicmaxa no'qaachigui quena lataxa.

1 Samuel 25:36

Ca co'na' aso Abigail pila'a cá'maq neeta'ñi so Nabal, ca so'maxare ỹo'ueetetac so nqui'ỹaxac lodegaxat 'ec ca lqui'ỹaxac ca nashi, chaqai ỹaatqajam raỹaacotac chaqai quiñiuguetaxaic. Vichiguiño' aso'maxare qaica ca 'naapega, ta'ta'a queso liỹa nete'e.