Génesis 21:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'na' ra'deenataxantac aso Sara, ca 'naaco': Ñi qota'olec raỹaleguere nqai'en aỹim, chaqai ná'ogue ná'maq ỹa'den quiyim 'ue ñi ỹaalec, qai'neeta raỹaleguere.

Génesis 21:6 Iomraidhean Croise

Génesis 17:17

Ca' so Abraham nqai'guiñi, ỹoviraqta'guit na latap na 'laua. Ca' raỹaleguere co'na' ỹa'deene'ta: Ca ỹale ỹovite' caua cien ñaxari, ¿peeta'a ishito' quiyim neta'a? Chaqai añi Sara, ¿ishito' 'ue ca llaalec quiyim mashic ỹovite' noventa ñaxari?

Salmos 126:2

Ca' ỹaatqajam 'xoic na qaraỹalliguiric chaqai quenaua qodaapi' ca so'ueenaxanqatac; ca na'le, ca' na ỹoqa'a qomyipi 'naac: ¡Ñi la'gaxala' chalego lecaic dá'maq ỹo'uet quena Israel llaalqaipi!

Isaías 49:15

Qam ñi'maxare 'naac: ¿Peeta'a aca nate'e ishito' coua'e loqo'm tot ishit nqo'ta cá'maq lalamaxaret llaalec? Ca 'eno'm aca'maxare coua'e, ỹim qaica ma' scoua'e quet aqami'.

Isaías 49:21

Ca qami' chi retaqatapigui ma'le na qavilli', ca 'ñirac: ¿Nega'ỹo' cá'maq ỹa'vii nauajo ỹaalqa? Ỹim qaicaua caua ỹaalqa na'le, chaqai tot qaica ca ỹaalec; ỹoqa'a da 'laua senta'gue chaqai qoỹoqo'ta aỹim, ¿nega'ỹo' cá'maq iỹaxate' naua'maxare? Ma' ỹim qayodaqajanchiguiñi na'le, ¿negue' cá'maq chicqora'co' naua'maxare?

Isaías 54:1

Qami' Jerusalén, qami' 'ec aca 'aalo se co'o, qami' se ỹauanapega co'ii', raualqaisari' queda raỹaaqui', nachipishiguim nqai'ñi' ca ro'viinqui' queda netoonaxaqui', ma' ñi qara'gaxala' 'naac caqami': “Aca 'aalo nalate paguec ma'le ca llaalqaipi cana 'aalo 'ue ca loua.”

Jeremías 20:15

¡Ỹaatqajam lochi'n cá'maq ỹo'ueeto' quiyim netoon na'le ca ita'a na' ỹa'ue da la'xaỹaxac quiyim 'ue ca llaalec ỹale ne'qaañi!

Lucas 1:14

Ca' ỹaatqajam 'uo' ma'le ca ra'maxa'e' chaqai ca netoonaxaqui', chaqai ỹaatqajam 'xoic ma'le na netoonta'pegue da ne'xaỹoqsoxoc ca'maxare.

Lucas 1:58

Ca ná'maq sqoỹoqaque quiyi la'a' chaqai na lauo' laseripi nqo'ta aso'maxare qanetoonta'pegue co'na' qaỹa'den quiyim ñi qara'gaxala' ỹaatqajam 'xoic da le'xorenataxanaxa caso'maxare.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

Hebreos 11:11

Chaqai aso Sara qai'neeta chicqochigui da lpi'ỹaxac, 'eno'm qo'xoỹom. Qam qaỹa'ue da lquesaxanaxa, qaiyi 'ue ca llaalec. Ca 'uo' na'le ca llaalec, ma' huelco' na'le ñi qota'a quiyim ipacqajanchigui cá'maq ỹachaxantac.

1 Samuel 1:26

Ca' aso Ana 'naaco' queso'maxare: —Chi yi'xoriñisaco' qami' ỹa'gaxala', ma' ỹaatqajam rca'lli'sauec nagui, ma' chaqaỹim ná'maq seuete'e najo na'le, ñqouagaxaintacot ñi qara'gaxala' qota'olec, ca' qami' leseeque'ta na'le.