Génesis 21:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' vichiguiño' yijo 'laua qoỹanco' Beerseba, loqo'm ni'ỹa 'maqatqa', ma' yi'maxare hua'ño' na' saua'maxare ỹaandec da la'qaategue' quiyim na'maxajta'.

Génesis 21:31 Iomraidhean Croise

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 21:32

Co'na' ime dajo na'maqataxague' quiyi Beerseba, ca' so Abimelec chaqai so Ficol pilta yi na'laua so filisteoipi.

Génesis 26:23

Ca' quiyi, ca' so Isaac eec, taigue da Beerseba.

Génesis 26:31

Ca' queso liỹa nete'e na' ne'laxachishiguim, ca' ỹo'ueete' da na'maqataxague'. Co'na' ime, ca' so Isaac 'naaco': —Hua' ỹa'maqata. Ca saua'maxare que', npoyiguinto so'maxare, ca nauochaxaua'.

Génesis 26:33

Ca' so Isaac leenaxato' nqai'en aso ni'ỹa Seba, loqo'm 'maqatqa'. Vichiguiño' yijo na'a' ñaqai leenaxat Beerseba, loqo'm ni'ỹa 'maqatqa'.

Génesis 46:1

Co'na'le, ca' so Israel na'maxajñi quiyim eec i'xat sá'ogue só'maq hueeto'ot. Ca co'na' ỹovita yi Beerseba, ca' ỹa'ue so lachitaxanataxanaxat ỹavigaxat, ca ỹaanot ñi qota'olec queso leta'a Isaac.

2 Samuel 17:11

Ca' nagui, ca' saqata qami' quiyim lapooñireta' quet ná'ogue ná'maq ñaqa 'ue llaalqaipi so Israel quiyi Dan queda rapiguim, chi ỹovireta'a ná'maq neetalec yi Beerseba queda 'guiñi, ma' ỹaatqajam 'xoic 'nejem na lo'uaxanaxa hueeto'ot na lahi aso huaaxai, chaqai quiyim chaqaiqami' ná'maq qaỹa'guelec ma'le queca lauataq.

1 Reyes 19:3

Ca' so Elías retan quiyim chalego lecaic dá'maq hueetalec. Chaqai quiyim nca'laxatec dá'maq chi nachaalataxac, ca' eec taigue da Beerseba yí'maq huaugui yi 'laua Judá. Ca' quiyi, ca' po'an so lelaatec.

1 Reyes 4:25

Ca co'na' ñaqa 'ue so Salomón, ca sá'ogue so neeta'ñi yi Judá chaqai yi Israel, chicqochi'ñi yi Dan, ỹovira'a yi Beerseba, ỹaatqajam 'ue da ne'maxa. Ca' quiñi 'óna neeto'ot acá'maq chaqai lanecse 'uva chaqai ana 'igo.

Amós 5:5

Sqai quiipegue' yi Betel quiyim nqouagaxaiñii, chaqai sqai 'iigue da Gilgal, chaqai sqai quiipegue' yi Beerseba, ma' yi Gilgal qaica ca nañitqa' quiyim ỹoqa'a ca 'laua qainaxague, chaqai yi Betel qanopoxoỹaxajñi ma'le.