Génesis 21:23 - La'qaatqa ñi qota'olec Qota'olec & Qota'olec Novita Na Qomyipi

²³ Vichiguiño' nagui saanqot da qara'qaatec ñi qota'olec quena seuqate'e quiyim sqo 'viichi' ca se ỹa'maxañi caỹim, chaqai quena ỹaalqaipi, chaqai na iuaripi. 'Ỹaañirec nagui ca ra'qaachiqui' quiyim 'maxachiteteguelo qomi', 'ñitetegue dá'maq qara'maqataxanaxac caqami', chaqai quiyim chaqaida 'ñitetegue ná'ogue na qomyipi quená'maq 'laua ñi'sa'ñi nagui.

Génesis 21:23 Iomraidhean Croise

Génesis 20:14

Ca na'le, ca so Abimelec ỹopilaxatem so Abraham aso loua Sara. Chaqai ỹa'ue aso lame qagretaipi, huacaipi, na'aquipi chaqai so la'aipi.

Génesis 21:24

—Ajá'a, saanec da ỹa'qaatec —'naaco' so Abraham.

Génesis 24:3

Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Génesis 26:28

Ca saua'maxare 'neraco': —Seuanaxa quiyim ñi qara'gaxala' liỹaatac qami', ca 'ue da qana'deenaxac quiyim ña'deenaxa'e' qami'. Ca dá'maq qana'deenaxac ma'le 'neetasa':

Génesis 31:44

Vichiguiño' na'itquena qami', sahoqe ca qana'maqataxac cá'maq i'taxajñi quiyim shi'gue ña'maxataxata'.

Génesis 31:53

Ca' chaqai ỹoiquena'pe qomi' ñí'maq qota'olec quesó'maq qapichi' Abraham chaqai so ỹapi' Nacor. Co'na'le, ca' so Jacob nallitalta' ỹaanot da la'qaatec ñi qota'olec queso leta'a Isaac, ñí'maq nqouagaxaintacot.

Génesis 39:3

So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

Génesis 47:31

Ca' so leta'a Israel liỹo' pilalec da la'qaatec, 'naaco': —¡'Ỹaañirec, 'taxachiriñi ca ra'qaachiqui'! Ca' so José ỹaanot da la'qaatec ñi qota'olec. Co'na'le, ca' so Israel nanaqachiguiñi nqai'en na lqahic quena lo'xaiqa' so lomala'.

2 Corintios 1:23

Qam no'm saqa' sovitalo qamiri quena Corinto quedá'maq chi ỹa'deenataxanaxac, ma' se sahotaque ca nouaxanaxashichii. Qam da'maxare ỹa'deenta ñi qota'a, ca no'm sqaida dajo, ca 'eno'chaqai qanaqat da ñachaalataxac.

Deuteronomio 6:13

Nqouagaxaiñitacot ñi na'gaxala' qota'olec caqamiri, qaiñiita 'ueenataxañitacot. Ca quiyim ỹovirelec quiyim 'ỹaañiuec ca ra'qaachiguii pacqajñichigui, qam quiichigui nqai'ñii da leenaxat ñi qara'gaxala'.

Hebreos 6:16

Na qomyipi quena' i'taxajñi da la'qaatec, ca' 'ue na ỹiguelec quená'maq paguec lecaic quena'maxare. Chaqai no'm ỹaanec ca la'qaatec, ca' qai'taxajñi ca qaipacqajanchigui. Ca' qaica quet cá'maq liỹa qaỹa'xat.

Josué 2:12

Vichiguiño' sashiilahi quiyim nallichiỹalta' quiñi ra'gaxalari quiyim 'maxachii'tegue aỹim chaqai na iuo' laseripi pacqajñichigui dá'maq shi'nteguelo qamiri. Vii ca itanec quiyim 'chiichiguiñi nqai'ñii dajo,

1 Samuel 20:13

Qam no'm ñi ita'a ỹahotaque ỹo'uet ca se no'uen, ca' ñi qara'gaxala' ỹaatqajam ỹo'uet ca ñouaxanaxaset, no'm se sa'ue ca ra'xaỹaxaqui', chaqai sotauañi' quiyim qarayichi'. Chaqai ¡rotauañi' ñi qara'gaxala', 'nejem nqai'en da lotaanaxanaxac quiñi ita'a!

1 Samuel 20:17

Ca' so Jonatán, ma' se neme da lauochaxa queso David, ca' lotqai liỹa ỹaanec da la'qaatec quiyim chalego da lqo'iichi, 'ec nqai'en quiyim chi nauotalta'.

1 Samuel 20:42

Ca co'na' dá'ogue dajo ime, ca' so Jonatán 'naaco' queso David: —Mo'e', qui' ma'le, qaica ca huapigui qavilli', ma' dá'maq qara'qaatec mashic saanaxauec, chaqai 'qaachigui ñi qara'gaxala', chaqai sashiilaq quiyim ñi'maxare naua'que na'xata' reloqota'alo qomi', chaqai da qana'deenaxac ỹoviraugui ca qochaalqaipi naatashiguim. Ca co'na' ime dajo, ca' so David eec. Ca' so Jonatán pila'a yi na'a'. (21.1—23.29 So Saúl ñaqai queeta ỹocantac so David, ca' so David 'eet, ca ỹo'uet só'maq chi nalliripi.)