Génesis 21:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 21:22 Iomraidhean Croise

Génesis 20:14

Ca na'le, ca so Abimelec ỹopilaxatem so Abraham aso loua Sara. Chaqai ỹa'ue aso lame qagretaipi, huacaipi, na'aquipi chaqai so la'aipi.

Génesis 20:17

Co'na'le, ca' so Abraham nqouagaxainot ñi qota'olec, ca ñi'maxare imeuec nqai'en so Abimelec chaqai aso loua. Qai'neeta imerec nqai'ne' saua lelaata, qaiyi ishit 'ue ca llaalegue'.

Génesis 20:2

Ca co'na' neeta'anyi, ca 'naaco' quen quiyim lqaỹa aso loua Sara. Ca co'na'le, ca' so Abimelec, nashi quiyi Gerar, relaataxane'oga quiyim qanauego aso Sara, ma' ỹahotaque quiyim loua.

Génesis 26:26

'Uo' so na'xa'a, ca' so Abimelec chicqochi'ñi yi Gerar, ỹahotaque retaxaỹa'pegue' so Isaac. Liỹaataco' so nauochaxaua Ahuzat chaqai so Ficol só'maq lashi so nalliripi.

Génesis 26:28

Ca saua'maxare 'neraco': —Seuanaxa quiyim ñi qara'gaxala' liỹaatac qami', ca 'ue da qana'deenaxac quiyim ña'deenaxa'e' qami'. Ca dá'maq qana'deenaxac ma'le 'neetasa':

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 30:27

Qam so Labán 'naaco' queso'maxare: —Qouaquiric, ro'viiñirañi, chaqai 'ñi'sari' ñiiso'ot aỹim, ma' mashic senataxanteguelec qami', ca' sa'den quiyim ñi qara'gaxala' 'ue da lqouagaxa caỹim chicqochigui qami'.

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

1 Corintios 14:25

Ca ná'maq hueetagui añi le'taxanata re'oq. Ime, ca' ishit ỹa'yi'iñi naua le'cootal quiyim imaqachintac ñi qota'a, chaqai ỹa'xatetac quiyim ỹaatqajam llic ỹalequetauguilo qamiri ñi'maxare.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Josué 3:7

Ca co'na'le, ca' ñi qara'gaxala' 'naaco' queso Josué: —Taachi'ñi quenajo na'xa'a, ca' so'uet quiyim naua'que na'xata' nqo'neetauec paguec qaremaqachiñi' quena Israel llaalqaipi, qaiyi na'maxare iuana ma'le quiyim qami' iỹaatac, 'nejem dá'maq shintari' na'le queso Moisés.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.

1 Samuel 24:22

Ca' so David ỹaanec da la'qaatec queso Saúl quiyim ipaquichigui nqai'en. Ca co'na' ime, ca' so Saúl pilo queca la'a', qam so David chaqai so nalliripi quepegue' yi le'guenqa'.

1 Samuel 3:19

Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.