Génesis 21:20 - La'qaatqa ñi qota'olec Qota'olec & Qota'olec Novita Na Qomyipi

^20-21 Ca' ñi qota'olec ỹotauantac so ne'nec, ca so'maxare nqo'neetashiguim da llaqtaxac quiyi neetalec 'laua qaica qom leenaxat Parán. Ca' chi ỹovireta'a quiyim ỹaatqajam 'ichqaic quena' rahinaxana ana no'xoso. Ca co'na' ncopa, ca' aso late'e ỹo'naxañiguit aso 'aalo Egipto lase.

Génesis 21:20 Iomraidhean Croise

Génesis 10:9

Ca' so Nimrod ỹaatqajam ima'guit da leparaxanaxac, ma' chicqo'ot ñi qara'gaxala' ỹaatqajam paraxanaxai. Ca' chaqaida dá'maq chicqochigui da na'qaatec quen: 'Nejem ca Nimrod ima'guit da neparaxanaxac chicqo'ot ñi qara'gaxala'.

Génesis 16:12

Ca'maxare ỹaatqajam co'ỹaxaraic ma'le, 'ec ca isecỹac neuec; ca'maxare reloguiỹe'e' ná'ogue, chaqai ná'ogue reloguiỹe'e' ca'maxare; qam ca'maxare ỹa'yiñi ca la'a', 'eno'm na lqaỹaripi npa'guene'e'.

Génesis 17:20

Chaqai quiñi Ismael ñí'maq sa'xaỹa'pegue caqami', ca' qai'neeta yqouaguegue. Ca' ỹim so'uet quiyim 'xoic ca llaalqaipi chaqai quiyim nqo'neuec ca llaalqaipi. Ca' ñi Ismael leta'a ma'le caua doce 'xoic lecaic nashillipi, chaqai chicqochigui nqaishin ca ỹaatqajam 'xoic qomyipi.

Génesis 25:27

Ca co'na' ỹi' saua ñaqolqai', ca' so Esaú ỹovireta'a quiyim no'ueenaxa lo'o, ca ỹaatqajam ỹa'den da leparaxanaxac; qam so Jacob nqo'ta na'maxateta chaqai quiyim se redaỹari' queca la'a'.

Génesis 27:3

Ca vichiguiño' sahotaque quiyim paraxañi' quiyi 'oochi, coñita aca ro'xoshiqui' chaqai ca roviqui', sha'apiguito' 'ue ca qadoxonqui' isecỹac.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Lucas 1:80

Ca' so noctoqui' noquiiquetashiguim da llaqtaxac chaqai da lquesaxanaxa da la'deenataxanaxac. Qam chaqai neetalec so 'laua sqaica qom, chi ỹovireto'o' ca na'xa'a co'na' nachaxana so Israel llaalqaipi.

Lucas 2:40

Hua'ñi, ca so noctoqui' noquiiquetashiguim da llaaxa, chaqai da lquesaxanaxa, chaqai da la'deenataxanaxac. Ca' ñi qota'a ỹaatqajam ỹaanem so'maxare da lqouagaxa.

Jueces 6:12

Ca' so lelaatec ñi qara'gaxala' nachaxan, ca 'naaco' queso'maxare: —¡Ñi qara'gaxala' liỹaatac qami', qami' quesaxanaxaic ỹale chaqai 'ñaaxaic qavilli'!