Génesis 21:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' eec ỹoxauc yi ta'ñi, ca nqa'xanñi ma' ỹahotaque se iuanlec so'maxare quiyim ileu. Ca co'na' nqa'xanñi aso'maxare, ca' naashiguim so noctoqui' noỹen.

Génesis 21:16 Iomraidhean Croise

Génesis 21:15

Ca co'na' imeuo so liỹoxosec, ca' po'aano'oto saua qo'pa' so noctoqui'.

Génesis 27:38

Qam so Esaú 'ue da lepagaxallic, 'naaco': —¿Sqai shichi'o' 'ỹaañirec ca liỹa rqouagaxa'e', qami' itaa'i'? ¡Rqouaquitegue aỹim qai'neeta! Ca lotqai liỹa noỹen naualaxañi.

Génesis 29:11

Ime, ca' iquin chaqai nqo'goq, ca' noỹentac.

Génesis 44:34

Ma' ¿negue' quet cá'maq 'neeta quiyim sopil, sopila ca ita'a, no'm se iỹaatac dá'maq ne'nec? Se sa'maxaren quiyim seuantalec ca le'xoric ca ita'a.

1 Reyes 17:12

Ca aso'maxare 'naaco': —Da ỹa'qaatec 'qaachigui ñi qara'gaxala' qota'olec quiyim qaica ca pan ratooxoic. Chaqai ỹaatqajam cocho'qui' yi ñi'aríña lichooqui' hueetagui añi lahi', chaqai da cocho'qui' 'aceitoqui'. Ca' nagui llapoonta'pe naua qo'parolqai'. Ca' so'uet aca ỹaqaulata, qaiyi que'e ñi ỹaalec chaqai aỹim. Ca ma' ime, ca' qareleu ma'le quena qarqopaaxa.

1 Reyes 3:26

Qam asó'maq ỹaatqajam late'e so noctoqui' nca'leetauec ỹaatqajam 'xoic nqai'en da le'xoric, ca' ỹaatqajam ne'xoresene'tot so nashi, 'naaco': —¡Yi'xoriñi', sqa lauachi' da noctoqui' nca'leetauec, qami' ỹashi! ¡Ta'ta'a quiyim 'ỹaañitem ada 'aalo! Qam aso liỹa 'naaco': —'E', se qanañaañim chaqai se qoỹaanem qami'. ¡'Maxaraic quiyim qaichaxañigui na lavinñi!

Ester 8:6

Ma' ¿negue' quet cá'maq shinta'gue quiyim chi ña'ñaxateta'piguit dá'maq se no'uen qaỹahotaque qohine'tegue na iuo' laseripi, chaqai quiyim qaỹahotaque qanalauajñi ná'maq ỹalamaxat ỹaqaỹaripi?

Isaías 49:15

Qam ñi'maxare 'naac: ¿Peeta'a aca nate'e ishito' coua'e loqo'm tot ishit nqo'ta cá'maq lalamaxaret llaalec? Ca 'eno'm aca'maxare coua'e, ỹim qaica ma' scoua'e quet aqami'.

Amós 8:10

Na remaqachiguipi ñigui nqaishin ca ỹenaxac sauaxat na leuaxaiquipi, chaqai na ro'ueenaxanaxaguipi ñigui nqaishin ca ỹenaxac quena' 'ue yi qaishinñi; so'uet quiyim qamiri ñiiñi caua noho nachicoxoqui', chaqai selaxachilgoto naua rqahigori netanec nqai'ñii caqamiri quiyim 'xoic da nqui'ic. Ca' noỹiñii ma'le 'ec cá'maq qom na'laañi ca 'oonoqui' llaalec, ca ma' ime dajo, qam no'ueenashiguim ca 'xoic nachicoxo.

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.

Rut 1:9

chaqai quiyim ỹa'maxarenta quiyim liỹa o'ñii, ca' ra'maxaichiguiñi queca ra'aari. Ime, ca' aso Noemí niquinto, nqo'goxoguita. Qam na'le, ca' noỹene' saua'maxare.

1 Samuel 24:16

Ca co'na' ime da letaxaỹaxac so David, ca' so Saúl 'naaco': —¡Ca' chaqaiqami' ỹaalcolec David taqaisapiguiỹa'! Ca' ỹaatqajam naualaxañi, noỹen.