Génesis 21:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 21:14 Iomraidhean Croise

Génesis 16:7

Qam so lelaatec ñi qara'gaxala' piguim le'ec iuanejlec quiyi 'laua qaica qom, seeque'ta yi huaxaỹaq ne'paxantashiguim neeta'ñigui so nayic quiyi Shur.

Génesis 19:27

Ca' queso nete'etam queso liỹa na'xa'a, ca' so Abraham quepegue' yí'maq hua'ño' na' retaqata'pegue' ñi qara'gaxala'.

Génesis 21:13

Qam quedá'maq llaalec ada Sara la'a, ỹim chicqochigui nqaishin ca ni'ic lodegaxat, ma' da'maxare qachaalqui'.

Génesis 21:15

Ca co'na' imeuo so liỹoxosec, ca' po'aano'oto saua qo'pa' so noctoqui'.

Génesis 21:31

Ca' vichiguiño' yijo 'laua qoỹanco' Beerseba, loqo'm ni'ỹa 'maqatqa', ma' yi'maxare hua'ño' na' saua'maxare ỹaandec da la'qaategue' quiyim na'maxajta'.

Génesis 21:33

Ca' quiyi Beerseba so Abraham ỹanño' aso qo'paq leenaxat tamarisco, ca' nqouagaxaintac quiichigui nqai'en da leenaxat ñi qara'gaxala' ñí'maq qota'olec sqaica lqodoc.

Génesis 22:19

Ca' so Abraham pila yí'maq hueesa'ñi caua lelaatqa. Ime, ca saua'que taategue da Beerseba yí'maq na'ño' na'le so Abraham.

Génesis 22:3

Ca' queso liỹa na'xa'a ñaq nete'etam, ca' so Abraham na' ne'laxashiguim, ca ỹo'ueejlec so lalo 'ashin, iỹoxolec queso nqo'paq ỹauaaque lcopatoxonaxat. Ca' eec quepegue' yí'maq ỹicapi'ño' ñi qota'olec, liỹaatac so llaalec Isaac chaqai saua dos lelaatqa.

Génesis 24:54

Ca na' ime, ca so'maxare chaqai saua nauegaxaua' qui'ỹe' chaqai ne'te' chaqai la'qarañi queso pe. Ca na' nete'e na' ne'laxashiguim, ca' so nelaatec 'naaco': —Yayaxañiuec, ñaq sopil queca la'a' ca ña'co'.

Génesis 25:6

Ca' so llaalqaipi so Abraham quesaua liỹa' loua' na' ñaq nca'leetauec so'maxare, ca' chi ỹa'ue na lame quiñi 'óna. Ca' so llaalqaipi ca'e nqai'en yí'maq neeta'ñi so llaalec Isaac, ilata yi 'laua pa'a'gue da lqodoigue.

Génesis 26:31

Ca' queso liỹa nete'e na' ne'laxachishiguim, ca' ỹo'ueete' da na'maqataxague'. Co'na' ime, ca' so Isaac 'naaco': —Hua' ỹa'maqata. Ca saua'maxare que', npoyiguinto so'maxare, ca nauochaxaua'.

Génesis 26:33

Ca' so Isaac leenaxato' nqai'en aso ni'ỹa Seba, loqo'm 'maqatqa'. Vichiguiño' yijo na'a' ñaqai leenaxat Beerseba, loqo'm ni'ỹa 'maqatqa'.

Génesis 28:18

Ca' queso liỹa nete'e no'teetashiguim ne'laxashiguim so Jacob, ỹacono' só'maq na'xanaxat qa', ca nachaalataxanñi letanec ỹaanot ñi qota'olec, ca' ỹocorelec queca aceite.

Génesis 37:15

ca ỹo'maaco' queso no'ueenaxa. Co'na'le, ca qaiuanejlco' queso ỹale. Ca qainato': —¿Negue' cá'maq daañisaque?

Génesis 46:1

Co'na'le, ca' so Israel na'maxajñi quiyim eec i'xat sá'ogue só'maq hueeto'ot. Ca co'na' ỹovita yi Beerseba, ca' ỹa'ue so lachitaxanataxanaxat ỹavigaxat, ca ỹaanot ñi qota'olec queso leta'a Isaac.

1 Reyes 19:3

Ca' so Elías retan quiyim chalego lecaic dá'maq hueetalec. Chaqai quiyim nca'laxatec dá'maq chi nachaalataxac, ca' eec taigue da Beerseba yí'maq huaugui yi 'laua Judá. Ca' quiyi, ca' po'an so lelaatec.

Salmos 107:4

Ỹo'meetajlec na'le quena 'laua qaica qom 'xoic na lo'uaxanaxa, se ỹanata ca nayic quiyim tau'a ca na'a' quiyim ỹahotaque na'ñi;

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Juan 8:35

Ca cá'maq na'ac mesqai 'neetari' ỹalequetaugui ca ñaalqaipi; qam cá'maq ñaalec, ca se ỹauana ỹoxe'oga queca ñaalqaipi.

Josué 3:1

Ca' queso liỹa nete'e na' nete'etam, ca' so Josué chaqai sá'ogue so Israel llaalqaipi eec ca'e yi Sitim, ca' ỹovita aso lachiugue Jordán. Qam na' saqa' ỹapacta, ca' nco'matec.

1 Samuel 15:12

Ca na' nete'etam queso liỹa na'xa'a no'teetashiguim, ỹahotaque quiyim natena'guit so Saúl. Qam qaỹa'ue da la'xaỹaxac quiyim so'maxare taigue da Carmel, ca' quiyi, ca' no'xonshiguim so nadenqatec no'leentaxat. Ime, ca' lotqai pil, quepegue' yi Gilgal.