Génesis 21:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam ñi qota'olec 'naaco' queso'maxare: Sqaica huapigui qavilli' quiñí'maq ne'necoqui' chaqai cañí'maq ra'a'e'. Ta'ta'a quiyim 'viichi' dá'ogue dá'maq ỹahotaque añi Sara, ma' ca qachaxataxai'pi chicqochigui ma'le ñi Isaac.

Génesis 21:12 Iomraidhean Croise

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Génesis 17:21

Qam da ña'maqataxac se'taxajñi ma'le ca Isaac ca llaalec añi Sara 'ue ma'le ma' ime na ñaaxa.

Gálatas 4:30

Qam ¿negue' cá'maq 'nerac nauá'maq naneresañi na'qaatqa? Naua'maxare 'neracsa': “O'yirauec añí'maq na'á chaqai ñi llaalec, ma' ñí'maq llaalec añí'maq na'á se ishit quiyim nouanau'a ná'ogue ná'maq ỹa'maqatañi quiyim lalamaxaret nqohin ñí'maq llaalec ñí'maq llaalec añí'maq se na'á.”

Hebreos 11:18

“Chicqochigui ma'le ñi Isaac quiyim qami' 'xoic ca qachaalaxai'pi.”

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.

1 Samuel 8:9

Ca 'maxaraic quiyim 'viichi' cá'maq ỹahotaque na'maxare. Qam ỹaatqajam 'xachitem ná'ogue ná'maq louenec ca nashi quiyim reloxoỹa'a na'maxare.