Génesis 20:9 - La'qaatqa ñi qota'olec Qota'olec & Qota'olec Novita Na Qomyipi

⁹ Co'na' ime, ca' so nashi Abimelec roỹaxane'oga so Abraham. Ca 'naaco': —¡'Ajñi' dá'maq 'ñiteteguelo qomi'! ¿Negue' cá'maq se ỹa'maxañi shine'tegue qami', quiyim taalec nqai'ñi' aỹim chaqai ná'ogue na ñalliripi da chalego lecaic nasauaxaset?

Génesis 20:9 Iomraidhean Croise

Génesis 12:18

Ca' so Faraón relaataxane'oga so Abram, ca 'naaco' queso'maxare: —¿Chi'neco' ma' 'ñitetegue dajo caỹim? ¿Chi'neco' ma' sqai 'ñirac quiyim roua'e' añi 'aalo?

Génesis 20:10

¿Negue' cá'maq 'neeto' ca ra'deenataxanaxaqui' co'na' 'viichi' dajo? Dajo 'naaco' na'le so Abimelec queso Abraham.

Génesis 20:8

Ca' queso liỹa na'xa'a na' ñaq nete'etam, ca so Abimelec ne'laxashiguim, ca roỹaxanougui so lelaatqaipi, ca ra'qaataxana quedá'ogue da le'guemataxac. Ca co'na' 'xaita dajo saua'maxare, ca no'chi'.

Génesis 26:10

Ca 'naaco' so Abimelec: —¿Chi'neco' ma' 'ñitetegue dajo coqomi'? Mashic saqa'leca cocho'qui', ca' 'ue ca lapa'ñi' añi roua'e' coqomi', ca qami' vite queta'le ca qarasauaxaset.

Génesis 29:25

Ca' na' richiguiñi queso liỹa na'xa'a, ca' so Jacob ỹa'den quiyim so'maxare lapaata'ñi' aso Lea. Ca 'naaco' queso Labán: —¿Negue' cá'maq 'neeto' dá'maq 'ñitetegue aỹim? ¿Mesqai so'ueenataxanot qami' sahinteguelec ada Raquel? Ca' ¿chi'neco' ma' yayiñi'?

Génesis 34:7

Ca co'na' novirero saua llaalqa so Jacob, chicqorauec queda no'ueenaxa. Ca co'na' ỹa'deene' dajo, ca' chalego lauele', ma' chalego lecaic dá'maq ne'naxac so llaalqaipi so Israel, ma' so Siquem chaqai ỹoiquentac quiyim lapa'ñi' aso llaale. ¡Dajo qaica ma' 'ue quet ca ishit 'ne'tegue!

Génesis 38:24

Ca co'na' mashic ỹovirerec saua tres shiriguiri, ca 'uo' so la'xaỹaxac so Judá. Qohinaco': —Añi rachi'i' Tamar 'uo' ca lapaatapi'ñi' liỹa ỹale, ca' nagui 'manaxai. Ca' so Judá ỹaualaq, ca 'naaco': —Vigue'oguiyi, ca' copachiu'a.

Génesis 39:9

Quenajo na'a' qaica ca liỹa ỹapacauec, qaỹimeta. Chaqai so ña'co' qaica ca ỹollaapiguim, chi qaqamite', ma' qami' loua. Ca' ¿chi'negue queta' so'uet ca se ỹa'maxañi, chaqai quiyim sa'ue ca ỹasauaxaset quiñi qota'a?

2 Samuel 12:5

Ca' so David ỹaatqajam ro'o' na'le quedá'maq 'neeto' na'le so ỹale. Ca 'naaco' queso Natán: —¡Ỹim saanec da ỹa'qaatec, 'qaachigui ñi qota'olec, quiyim cajo ỹale ỹo'ueeto' na'le dajo ỹa'maqachiguiñi qaỹalauat!

Éxodo 32:21

Ime, ca 'naaco' queso Aarón: —¿Nega'ỹo' cá'maq 'ne'tegue qami' najo qomyipi? ¿Chi'neco' ma' ỹo'uet nqai'ñi' da chalego lecaic lasauaxaset?

Éxodo 32:35

Ca' ñi qara'gaxala' ỹa'ue so nelata ne'ne' so qomyipi sauaxat nqouagaxainot só'maq huaqui llaalec só'maq lo'ueenatec so Aarón.

Romanos 2:11

Ma' ñi qota'a nalo'ojta' nqai'en, qaica ca ỹapacqajnauec quena qomyipi.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.