Génesis 20:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' queso le'guemataxac, ca' qohinapego' quiñi qota'olec: Ỹim sa'deenta quiyim qaica ca vi'saque na' 'viichi' dajo. Vichiguiño' sqai saxanegue quiyim vichira'guit añi 'aalo, qaiyi qaica ca rasauaxashichi' caỹim.

Génesis 20:6 Iomraidhean Croise

Génesis 20:18

Ma' sauaxato' aso Sara, ca ñi qara'gaxala' ỹo'uet quiyim qaca aca ishit co'o quesó'maq 'aallipi neeta'ñi yi la'a' so Abimelec.

Génesis 26:11

Ca' so Abimelec 'naapego' sá'ogue so lauo' laseripi: —No'm 'ue ca se ỹa'maxata'gue sojo ỹale, loqo'm aso loua, ca' qaỹalauat.

Génesis 3:3

Qam aca la ada qo'paq neetañigui na lavinñi na nanaxanqa', 'naac ñi qota'olec quiyim se sa'guinaq chaqai se seconaxagui aca la dajo qo'paq. Ma' no'm shinqa'tegue dajo, ca' qareleu.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:7

Qam ñi'maxare chi yayintac chaqai ỹadalaxat añi ỹauegue. Qam qaiyiita ñi qota'olec sqai ỹaxanegue quiyim ỹo'uet ca se ỹa'maxañi caỹim.

Génesis 35:5

Ca co'na' eec sá'ogue so lauo' so Jacob, ca' ñi qota'olec ỹo'uet quiyim 'xoic da lqolonaxa sá'ogue so lauoraripi sqoỹoqaque quiyi'maxare. Vichiguiño' se qaỹocan so llaalqaipi so Jacob.

Génesis 39:9

Quenajo na'a' qaica ca liỹa ỹapacauec, qaỹimeta. Chaqai so ña'co' qaica ca ỹollaapiguim, chi qaqamite', ma' qami' loua. Ca' ¿chi'negue queta' so'uet ca se ỹa'maxañi, chaqai quiyim sa'ue ca ỹasauaxaset quiñi qota'a?

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Mateo 27:19

Ca co'na' so Pilato ñaq nqa'xantalec so lo'ueenataxanqa', ca' aso loua 'uo' so nelaro la'qaatec, 'naaco': “'Neeto' lotqai 'iisapegueu'a so ỹale huagaxaraic, ma' squepe chalego lichic so i'guemataxac sauaxat so'maxare.”

1 Corintios 7:1

Ca' nagui sa'ue na lopilaxaset da renataxanaxaguii na' secoñiguit aca lere renataxanaxalachii. Ca' ỹim nagui shinac lo'yaxanec queca ỹale no'm mesqai 'on.

2 Corintios 6:17

Ca vichiguiño' qai'neeta 'naac ñi qara'gaxala': Oquii'e, noỹoochiuec quena'maxare; sqai coñigui ná'maq napio'xot da chaalataxac. Ca ma'le, ca' ỹim secoñiguita qamiri,

2 Tesalonicenses 2:11

Vichiguiño' ñi qota'a ỹaxanegue da lo'maxac, ca' ỹo'uet quiyim huelec da na'maachic,

2 Tesalonicenses 2:7

Ma' dá'maq hualoxonqaishic se re'xogui mashic shi'gue ro'ueenataxantac, qam chi nauaanta'a quiyim qanaqat dá'maq nolliitañi.

1 Samuel 25:26

Qam qaiyiita ỹaatqajam re'qoota quiyim ñi qara'gaxala' se ỹa'maxaren quiyim nanaqui', ca' coraqchira'pe caua neuo' quiyim viisaque ca rovichi'. ¡Saxanchi' ñi qara'gaxala' ỹo'uet quiyim ná'ogue ná'maq rpa'guiñi'sac chaqai ná'maq ỹahotaque ỹo'uet ca se no'uen caqami', ca 'nejem nqohin ca nouaxanaxaset ma'le ñi Nabal!

1 Samuel 25:34

Qam saanec da ỹa'qaatec quiñi qara'gaxala' ñí'maq qota'olec quena Israel, ñí'maq quepaxat aỹim quiyim so'uet ca se no'uen shi'nteguelo qamiri, queta' se nquipichi' quira'guit aỹim, ca queta' nete'e, ca' qaica quet cá'maq no'ueenañi 'oonoqui' ỹale nca'leetauec quená'maq neeta'ñi yi la'a' ca Nabal.