Génesis 20:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' chaqaiñi ñí'maq Abraham ñí'maq 'naac quiyim lqaỹa añi 'aalo, chaqai añi'maxare qai'neeta 'naac lqaỹa ñi'maxare. Ca' chaqaida dá'maq 'neeta quiyim seuelec, ca' qaica ca so'uet se ỹa'maxañi.

Génesis 20:5 Iomraidhean Croise

Génesis 12:13

Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

Génesis 20:13

Ca na' yachilen ñi qota'olec quiyim shique'e yi la'a' ca ita'a, ca' sashiila añi'maxare quiyim quecá'maq soviraxague 'naac quiyim ỹim lqaỹa.

Génesis 20:16

Qai'neeta 'naaco' caso Sara: —Ná'maq saanem da rqaỹa'e' ỹaatqajam 'xoic lecaic añi laseuete. Na'maxare nala'guit quiyim quepaqataxanlec queca se no'uen na'qaataxaqui', qaiyi ná'ogue ná'maq neeto'ot qami' sqaica ca la'qaatec se ỹa'maxañi taalec nqai'en aqami'.

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Salmos 24:4

Cá'maq co'teete' naua lqai'laqate' chaqai añi le'taxanata quená'ogue na nasauaxaset; cá'maq se ỹashiila nqouagaxainot na nqolaquipi chaqai se nallitalta'.

Salmos 73:13

¡Ỹaatqajam qaica quet cá'maq 'neeta quet quiyim co'teeta añi i'taxanata, chaqai sco'taxate' naua iqai'laqate' quena se no'uen!

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

1 Tesalonicenses 2:10

Ca' ỹaatqajam 'yiiñita chaqai ñi qota'a qai'neeta, queda qanachaalataxac ỹaatqajam co'teeta chaqai no'uen na' salecqatauguilo qamiri mashic coñiguit da na'qaatec. Mese sahoqai lligo ca qana'qaataxac se ỹa'maxañi.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.