Génesis 20:3 - La'qaatqa ñi qota'olec Qota'olec & Qota'olec Novita Na Qomyipi

³ Qam queso pe so Abimelec 'uo' so le'guemataxac quiyim qohinapego' quiñi qota'olec: Rillivi' ma'le, ma' ñí'maq 'aalo coñita 'ue loua.

Génesis 20:3 Iomraidhean Croise

Génesis 12:17

Qam so Faraón sougui aso Sarai, ca' ñi qara'gaxala' ỹo'uet so nouaxanaxaset so'maxare chaqai so llaalqaipi, qaỹodota'a so napijna' lodegaxat.

Génesis 12:18

Ca' so Faraón relaataxane'oga so Abram, ca 'naaco' queso'maxare: —¿Chi'neco' ma' 'ñitetegue dajo caỹim? ¿Chi'neco' ma' sqai 'ñirac quiyim roua'e' añi 'aalo?

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Génesis 28:12

Ca 'uo' so le'guemataxac, ca iuano' so naviaxala' na'deetañi quena 'laua, ca ỹoviro'ot na piguim. Ca' queso'maxare, ca na lelaatqaipi ñi qota'olec naqueta'ñigui so'maxare, ca' lotqai pilshiguim.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 37:5

Ca 'uo' so na'xa'a, ca' so José 'uo' so le'guemataxac, ca ra'qaataxanalo' saua lqaỹa'. Qam saua'maxare nqo'neuco' da loquiiqa' queso'maxare.

Génesis 37:9

Ca co'na' ime, ca' so José lotqai 'uo' so liỹa le'guemataxac. Ca lotqai ra'qaataxanalo' saua lqaỹa', 'naaco': —'Yiiñii lotqai 'ue so liỹa ỹi'guemataxac, ca queso'maxare, ca ya'iita'a añi ra'aasa chaqai ñi shiraigo chaqai saua once huaqajñi huaqaishiguim caỹim, ca' nqouagaxaintot aỹim.

Génesis 40:5

Ca 'uo' so pe, ca saua dos ncoñiiteguese', so 'taxaqui lo'o chaqai so pan lo'o, quiñi 'óna 'uo' ca le'guemataxac. Ca' queca 'óna ne'guemataxac 'ue cá'maq chi leloxoỹaxac.

Génesis 40:8

—'Ue so qare'guemataxac, qam qaica cá'maq ichoxot ca leloxoỹaxac —'neraco' saua'maxare. —Ca ¿mesqaiño' ñi qota'olec ñí'maq ichoxot cá'maq leloxoỹaxac? —'naaco' so José—. Qamaxahi, 'xachii caỹim cá'maq re'guemataxaguii.

Génesis 46:2

Ca' queso pe ñi qota'olec retaxaỹa'pegue' so Israel, viichigui nqai'en so lelaxac, roỹaxana queda liỹa leenaxat Jacob. Ca so'maxare saat, 'naaco': —Aỹim seuete'e najo.

Números 22:9

Ca' queso pe, ca' ñi qota'olec nachaxana so Balaam. Ca' inatetac, 'naaco': —¿Nega'ỹo' ná'maq ỹalliripi hueeta'ñi na ra'aachi'?

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 27:19

Ca co'na' so Pilato ñaq nqa'xantalec so lo'ueenataxanqa', ca' aso loua 'uo' so nelaro la'qaatec, 'naaco': “'Neeto' lotqai 'iisapegueu'a so ỹale huagaxaraic, ma' squepe chalego lichic so i'guemataxac sauaxat so'maxare.”