Génesis 20:2 - La'qaatqa ñi qota'olec Qota'olec & Qota'olec Novita Na Qomyipi

² Ca co'na' neeta'anyi, ca 'naaco' quen quiyim lqaỹa aso loua Sara. Ca co'na'le, ca' so Abimelec, nashi quiyi Gerar, relaataxane'oga quiyim qanauego aso Sara, ma' ỹahotaque quiyim loua.

Génesis 20:2 Iomraidhean Croise

Génesis 12:15

Qai'neeta qaiuano' queso lotauaripi so Faraón, nashi quiyi Egipto. Qai'neeta qara'qaataxana so Faraón quiyim aso 'aalo ỹaatqajam lo'yaxana. Ca qaỹauega'a yi la'a' so Faraón.

Génesis 20:12

Qam ỹaatqajam llic quiyim ỹaqaỹa añi'maxare, ma' llaale ca ita'a, qam mesqaca'ogue aca qarate'e.

Génesis 21:22

Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 26:1

Ca' quesauajo na'xata' ỹaatqajam 'xoico' da nouenaxanaxa queca na'ic quesá'ogue so 'laua, 'nejmo' quesaua na'xata' na' ñaqa 'ue so Abraham. Vichiguiño' so Isaac quepegue' yi Gerar yí'maq neeta'ñi so Abimelec só'maq lashi na filisteoipi.

Génesis 26:16

Ca co'na' mashic shi'gom, ca' so Abimelec 'naaco' queso Isaac: —Mo'e', oquire'e najo, mashic paguec qami' nesallaxanec coqomi'.

Génesis 26:7

Ca co'na' so qomyipi na'ñi yi'maxare inato' negue' cá'maq 'neeta so'maxare caso Rebeca. Ca' so Isaac 'uo' da lqolonaxa quiyim 'naac loua, ca 'naaco' quiyim lqaỹa. Ma' ỹaatqajam lo'yaxana aso Rebeca, ca so'maxare 'neetapiguio' lauel quiyim qaỹalauat sougui aso loua.

Proverbios 24:16

ma' 'eno'm siete huaañi, qam qaiyiita canchaqai ỹote' ne'laxashiguim; qam na hualoxonyipi iyinñigui ma'le da le'xoric.

Efesios 4:25

Ca' vichiguiño' nagui 'xañiñi ca na'majnaxaguii. Ca' quiñi 'óna ỹaatqajam lliqueta cá'maq ỹa'xat queca liỹa, ma' qomá'ogue 'ec ña'daqatau'a so 'oonoqui' noshicmaxa.

Colosenses 3:9

Se na'majñiỹot ca liỹa, ma' shi'gue ỹochihe'oga dá'maq 'auaxaic no'ueenataxaguii chaqai quená'maq shi'gue quen 'viichitac.