Génesis 20:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Co'na'le, ca' so Abraham nqouagaxainot ñi qota'olec, ca ñi'maxare imeuec nqai'en so Abimelec chaqai aso loua. Qai'neeta imerec nqai'ne' saua lelaata, qaiyi ishit 'ue ca llaalegue'.

Génesis 20:17 Iomraidhean Croise

Génesis 12:17

Qam so Faraón sougui aso Sarai, ca' ñi qara'gaxala' ỹo'uet so nouaxanaxaset so'maxare chaqai so llaalqaipi, qaỹodota'a so napijna' lodegaxat.

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Génesis 29:31

Ca co'na' ñi qara'gaxala' iuana quiyim so Jacob se nqo'ta aso Lea, ca ỹo'uet quiyim aso'maxare 'ue so llaalqaipi, qam aso Raquel se co'o nqai'en.

Esdras 6:10

qaiyi na'maxare ỹavigaxat na lachitaxanataxanaxat, ca' ỹaanot ñi qota'olec neeto'ot na piguim quiyim qaỹa'maxarenta. Chaqai nqouagaxaintalec aỹim chaqai na ỹaalqaipi.

Job 42:8

Ca' nagui, ca coñiu'alo caua siete toorol chaqai caua siete qagreta louaari, ca quiipegue' ñi ilaatec Job, ca 'ỹaañiuo quiyim qaỹavigaxat. Ca' ñi ilaatec Job nqouagaxainlgoto qamiri, ca' ỹim secoñiguit ma'le ca nqouagaxainaxac. Ca' sqaica ca shinegue caqamiri ma'le, ma' 'ue quet ca nouaxanaxashichii, ma' sqai 'xachii cá'maq lliqueta caỹim, sqai 'ñiita dá'maq 'ne'tegue ñi ilaatec Job.

Isaías 45:11

Ñi na'gaxala' ñí'maq qota'olec co'teeta quiyi Israel, ñí'maq ỹa'maxajñi qami', 'naac: Qaica quet cá'maq 'neeta quiyim yinachi' negue' cá'maq ỹo'uet ca ỹaalec, loqo'm yapaxaguiñi' quecá'maq shinta'gue ca ỹo'ueenataxanaxac.

Números 21:7

Ca quepegue'o' ca neeta'ñi so Moisés. Ca 'naaco': —¡'Uo' da qarasauaxaset, ma' qomi' se no'uen da sa'xatqatac quiñi qara'gaxala' chaqai caqami'! Ca ¡'maxaraic quiyim shiila'e' ñi qara'gaxala' quiyim naqata'a coqomi' na nanaiquipi! Ca' so Moisés ỹashiila ñi qara'gaxala' quiyim sqai caapeguem so Israel llaalqaipi.

Mateo 21:22

Chaqai cá'ogue cá'maq shiilaxañiỹaque quiyim nqouagaxaiñii, no'm viilec, ca' coñiguit.

Mateo 7:7

Shiilaxañii, ca' ñi qota'olec ỹaanema qamiri ma'le cá'maq shiilaxañitaque; daañiỹaque, ca nachiỹa; togoxoiuo ñi lasom, ca qaỹauate'ogalo qamiri.

Hechos 3:24

Ca' qai'neeta ỹa'xateta'guita nauajo na'xata' sá'ogue só'maq na'qaataxanqajanqaipi, chicqochi'ñi so Samuel, chaqai sá'ogue so liỹaripi.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

1 Tesalonicenses 5:25

Qamiri qarqaỹa', nqouagaxaiñitalgoto qomi'.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.