Génesis 20:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so Abraham 'naaco': —Ỹim shintapega quiyim na qomyipi quenajo sqaica ca 'negue nqai'en ñi qota'olec, chaqai shintapega quiyim qayalauat queta'le sasougui añi ỹoua.

Génesis 20:11 Iomraidhean Croise

Génesis 12:12

Ca ma' qaiuana qami' quiyi Egipto laseripi, ca 'naac ma'le yi'maxare: Ada 'aalo peeta'a loua ñi ỹale. Ca' qayalauat ma'le, ca' qami' qarca'laxachisauec, ca qaỹacoñiraxaua' ma'le quiyim qami' noua.

Génesis 20:10

¿Negue' cá'maq 'neeto' ca ra'deenataxanaxaqui' co'na' 'viichi' dajo? Dajo 'naaco' na'le so Abimelec queso Abraham.

Génesis 20:12

Qam ỹaatqajam llic quiyim ỹaqaỹa añi'maxare, ma' llaale ca ita'a, qam mesqaca'ogue aca qarate'e.

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Génesis 26:7

Ca co'na' so qomyipi na'ñi yi'maxare inato' negue' cá'maq 'neeta so'maxare caso Rebeca. Ca' so Isaac 'uo' da lqolonaxa quiyim 'naac loua, ca 'naaco' quiyim lqaỹa. Ma' ỹaatqajam lo'yaxana aso Rebeca, ca so'maxare 'neetapiguio' lauel quiyim qaỹalauat sougui aso loua.

Génesis 42:18

Ca na' ime' saua tres na'xata', ca 'naaco' quesaua'maxare: —Ỹim 'ue da iqolonaxa quiñi qota'olec. Ca vichiguiño' 'maxaraic quiyim 'viichii da ỹa'qaatec, qaiyi qai'xorene' qamiri:

Nehemías 5:15

Qam só'maq 'auaxaic nashillipi caỹim ỹaatqajam 'xoic añi qo'oc, ma' quenaua'que naua na'xata' ro'laxana'pegue' ana cuarenta namirolli' chicqaugui ana plata ỹauaaque loq laseue' chaqai na ne'taxat lataxa. Chaqai na lelaatqaipi ỹa'llaxat na qomyipi. Qam ỹim sqai shi'ntegue dajo, ma' yo'cha'a ñi qota'olec.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Salmos 14:4

Qaica ca la'deenataxanaxac na hualoxonyipi, ná'maq ỹahotaque ỹomato na ỹalamaxareteripi, 'ec ca qom ỹa'queetac ca pan, ná'maq se ỹa'xat da leenaxat ñi qara'gaxala'.

Proverbios 1:7

Da na'deenaxanaxa chicqochigui quiyim qaimaqachin ñi qara'gaxala' qota'olec; ná'maq qaica ca la'deenataxanaxac, ca' se icoñiguit da na'deenaxanaxa chaqai ca napaxaguinataxac.

Romanos 3:18

Chaqai vire'ta se ỹa'den quiyim no'cha'a ñi qota'olec.