Génesis 20:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 20:1 Iomraidhean Croise

Génesis 10:19

So na'laua so cananeo laseripi noquiiquetauec, chi ỹovireta'oga yi 'laua leenaxat Gerar, chicqochi'ñi yi Sidón, chi ỹovireta'a yi 'laua leenaxat Gaza; naloote'ogalo yaua na'aate' leenaxate' Sodoma chaqai yi Gomorra, Adma chaqai yi Zeboim, chi ỹovireta'a yi na'a' leenaxat Lasa.

Génesis 12:9

Ime, ca' eec, nemooteta, nqo'neeta'a yi 'laua Néguev.

Génesis 13:1

Ca co'na' so Abram chaqai aso loua quere'e yi Egipto, i'xate' sá'ogue so na'aatete', querepegue' yi 'laua leenaxat Néguev. Ca' so leteesec Lot qai'neeta liỹareta'pe saua'maxare.

Génesis 14:7

Ca co'na' mashic rapil so Quedorlaomer, ca sauá'maq liỹareta'pe so'maxare na' ỹovirera'a yi En-mispat chaqai qai'neeta leenaxat Cade. Ca' nopoxoỹaxajñi ná'ogue ná'maq quejlec quiyi na'laua na amalecita laseripi chaqai chaqaida 'ne'tegue queso amorreo laseripi neetalec yi 'laua leenaxat Hazezon-tamar.

Génesis 16:1

Aso Sarai se co'o queso loua Abram, qam 'ue aso la'a Egipto lase, aso'maxare leenaxat Agar.

Génesis 16:14

Ca' vichiguiño' añí'maq ni'ỹa leenaxat: Li'ỹa ñí'maq nca'leetauec chaqai iuañiua'. Ñijo ni'ỹa neetañiguilo yaua na'aate' Cades chaqai yi Bered.

Génesis 16:7

Qam so lelaatec ñi qara'gaxala' piguim le'ec iuanejlec quiyi 'laua qaica qom, seeque'ta yi huaxaỹaq ne'paxantashiguim neeta'ñigui so nayic quiyi Shur.

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 21:34

Ca 'xoico' so ñaxaripi so Abraham neetalco' yi na'laua so filisteoipi.

Génesis 24:62

Ca' so Isaac pilo' na'le chicqochi'ñi añi ni'ỹa leenaxat Ñí'maq nca'leetauec chaqai iuañiua', ma' so'maxare neeta'ño' yi 'laua leenaxat Néguev.

Génesis 25:18

So llaalqaipi naalco' yi 'laua vichiguiñiguilo yaua Havila chaqai yi Shur, naloote'oga yi Egipto queso nayic taỹa'gue da Asiria. Ca' naalec yi'maxare, 'eno'm se ỹa'maxaren so lqaỹaripi.

Génesis 26:1

Ca' quesauajo na'xata' ỹaatqajam 'xoico' da nouenaxanaxa queca na'ic quesá'ogue so 'laua, 'nejmo' quesaua na'xata' na' ñaqa 'ue so Abraham. Vichiguiño' so Isaac quepegue' yi Gerar yí'maq neeta'ñi so Abimelec só'maq lashi na filisteoipi.

Génesis 26:20

Qam so neloxoỹaripi caso qagreta quiyi Gerar nco'ỹa'e'o' so neloxoỹaripi caso qagreta lalo so Isaac, ma' 'neraco' quen quiyim looỹague' sojo huaxaỹaq. Ca' vichiguiño' so Isaac ỹanco' leenaxat co'uaqa' asojo ni'ỹa, ma' qanco'uaquio' na'le aso'maxare.

Génesis 26:26

'Uo' so na'xa'a, ca' so Abimelec chicqochi'ñi yi Gerar, ỹahotaque retaxaỹa'pegue' so Isaac. Liỹaataco' so nauochaxaua Ahuzat chaqai so Ficol só'maq lashi so nalliripi.

Génesis 26:6

Ca' so Isaac na'ño' yi Gerar.

Números 13:26

pila yi Cades yí'maq huaugui yi 'laua qaica qom quiyi 'laua Parán. Ma' hueeta'ño'yi so Moisés, Aarón chaqai sá'ogue so liỹaripi Israel llaalqaipi. Ca co'na' ỹoviro queso'maxare, ca' ra'qaataxane' ỹa'xate' ná'ogue ná'maq iuanchirigui chaqai ỹachaxansac ana la ana nanecse huaalec yijo 'laua.

1 Samuel 15:7

Ca' so Saúl nalauate'e' so Amalec llaalqaipi, chicqochi'ñi nqai'en yi Havila, ca' chi ỹovireta'a yi ñigo quiyi Shur, pa'aata'guit yi 'laua Egipto, ỹaatqajam nomachichiguiñi.