Génesis 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ime, ca' ñaxajshiguim nqai'en ná'ogue ana ỹoreta'oguit no'uen qo'paq na'ic ana la. Ca' quena lavinñi so lanaxanqa' ỹanañigui aso qo'paq chicqaugui da nca'laxa, chaqai aso liỹa qo'paq chicqaugui quiyim qaỹa'den ca lo'yaxanec chaqai ca se no'uen.

Génesis 2:9 Iomraidhean Croise

Génesis 2:17

Qam ada qo'paq chicqaugui quiyim qaỹa'den ca lo'yaxanec chaqai ca se no'uen, ca' sqa 'qui'. Ma' no'm 'qui', ca' ỹaatqajam llic rillivi'.

Génesis 3:22

Ca 'naaco': Ca' nagui da ỹale 'nejme' qomi', ma' ỹa'den ca lo'yaxanec chaqai ca se no'uen. Qaiyi se naqat na la ada qo'paq chicqaugui da nca'laxa, ca ỹa'ic, ca' sqaica lqodoc da nachaalataxac.

Génesis 3:24

Ca co'na' ime naqata'a so ỹale, ca pa'xanda'gue da lqodoigue quiyi nanaxanqa' saua lelaatqa piguim lase', chaqai so lecat ỹaviquetaugui yá'ogue ỹaqaletentac, qaiyi qaica ỹovira'a adá'maq qo'paq chicqaugui da nca'laxa.

Génesis 3:3

Qam aca la ada qo'paq neetañigui na lavinñi na nanaxanqa', 'naac ñi qota'olec quiyim se sa'guinaq chaqai se seconaxagui aca la dajo qo'paq. Ma' no'm shinqa'tegue dajo, ca' qareleu.

Génesis 3:5

Ma' ñi qota'olec ỹaatqajam ỹa'deenta quiyim ma' 'guii ana la ada qo'paq, ca' 'yiiñii ma'le ca lo'yaxanec chaqai ca se no'uen. Ca ma'le, ca 'ñiitari' ñí'maq qota'olec.

Isaías 44:25

Ỹim se ipaguigui nqaishin ca la'qaatec ná'maq 'naac qota'olec letaxaỹaxaqui, ỹim so'uet quiyim ná'maq idaanau'a nanchaqaina chi ỹo'meetac. Ỹim so'uet quiyim na 'deenaxanqachaqaiquipi chi retaqata'ta' chaqai da la'deenaxanaxa, dá'ogue hualoxonqaishic.

Ezequiel 31:16

Ma' soviraxachi'ña yi loiquenatec da nelauaxa, ma' llapooñiguit ná'maq shi'gue ileu, da lelamaxa ma' ỹoviriñi, ca' i'loxol nqai'en na ỹoreta'oguit qomyipi. Ca ná'maq pa'aatañi quena 'laua lo'yigui lauel ana qo'paq quiyi Edén, ná'maq paguec loyac chaqai paguec qaỹocoretalec quiyi 'oochi quiyi Líbano.

Ezequiel 31:18

Ca' qaca aca qo'paq caná'maq naalec yi Edén nalo'guit aso'maxare queda loyac chaqai da ladogaxa; qam qai'neeta ta'anquira, liỹaata'ñi' ana liỹa qo'paq quiyi Edén quiyi noma' pa'aañi quena 'laua ỹalliguiguit na ỹoqa'a qomyipi, ná'maq qomyipi ileuaugui so lauataq. Ca' aso qo'paq chaqaiñi ñi nashi Faraón chaqai ná'ogue na lauo'. Ỹim na'gaxala', se'taxajñi da ỹa'qaatec. (32.1—33.20 So nashi quiyi Egipto qaraloqojnaxañigui queso isecỹac lodegaxat. Só'maq na'ñi yi Egipto ỹovira'a yi nelauqa'.)

Ezequiel 47:12

Ca' quenaua lahil aso lachiugue, ca' ñaxat ana ỹoreta'oguit qo'paq 'ue ana la. Chaqai se ỹauanapega quiyim 'ue aca najñi laue, chaqai se ỹauanapega quiyim qaica quet ca la. Quena' ỹovirec yi shiraigo, ca' lotqai 'ue ana la, ma' ỹaquiteta'ñot quena huaxaỹaq chicqau'a ñi no'ueenaxanaxaqui. Ana la ỹa'maqachiguiñi qaỹa'ic, chaqai ana laue, ca' qanatarena. (47.13—48.35 Naua lqodoco yi na'laua na lalamaxareteripi ñi qota'olec. So ni'ic neuagaxachigui yi 'laua. Naua lasomi' yi Jerusalén.)

Juan 6:48

Chaqaỹim ná'maq ỹim pan chicqaugui da nca'laxa.

1 Corintios 8:1

Ca' nagui sa'xatema qamiri ca leloxoỹaxac ca na'ic mashic qanqouagaxainlec quiyim qoỹaanot ca nashiilec nqolac. 'Nesa ma' llic quiyim qomá'ogue sa'deenqachigui dajo, qam da qara'deenaxanaxa tai'a nqai'ne' qomi' da nque'guenataxanaxac. Qaidaata da ne'xorenataxanaxa ỹo'uet da qarañaqtaxac.

Deuteronomio 6:25

Ca' vichiguiño' qomi' so'ueetaxe' sepacqajanqachiguilo naua lelaataxanaxaco ñi qara'gaxala' qota'olec quedá'maq 'naapegoxoua'.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.

Apocalipsis 22:2

Chaqai quena lavinñi só'maq nayic quiyi lavinñi yi na'a' lodegaxat, chaqai quenaua lahil aso lachiugue que'teguelo ana llaqtaxai ana qo'paq chicqaugui da nca'laxa. Doce 'ue ana la quiyi ñaaxa, quiyi shiraigo lotqai 'ue na ala. Chaqai ana laue ana qo'paq qaỹouen quiyim qaratarenataxana quená'ogue na ỹoreta'oguit qomyipi.