Génesis 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 2:7 Iomraidhean Croise

Génesis 1:27

Co'na' ñi qota'olec ỹo'uet so qom, nadenaxatalta', ca' chaqai 'nejem ñi'maxare da no'ueenataxac; ỹale chaqai 'aalo saua ỹo'ueete'.

Génesis 2:6

Qam quena 'laua chicqotapougui na huaxaỹaq, ca' ỹaquitetalec nqai'en ná'ogue na'maxare.

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Génesis 3:23

Ca' vichiguiño' ñi qara'gaxala' qota'olec naqata'a so ỹale, ca'e nqai'en yi nanaxanqa' huaugui yi 'laua leenaxat Edén. Ca' ỹo'uet nqai'en na 'laua ná'maq chicqaugui na'le so'maxare co'na' qaỹo'uet.

Génesis 7:22

Ca' ileu ná'ogue ná'maq hueetalec na 'laua quená'maq 'ue da lca'laxa chaqai ná'maq ishit nacategaxan, ná'ogue ileu.

Job 4:19

¡Huose'quet quena chaqai qom ma' paguec qaica ca lquesaxanaxa, 'ec ca 'imec 'laua qaỹa'yiñi queca lamoxoiqa', ca ca'maxare ishit qaipataxañi, 'ec ca pit hueetaugui ca nooỹac!

Salmos 100:3

'Yiiñi'a quiyim ñi qara'gaxala' chaqaiñi ñi qota'olec; ñi'maxare qaro'uet, ca' qomi' lalamaxarete'; ¡qomi' lalamaxarete' chaqai shinqatari' aca lalo qagreta quiyim qui'ỹaxantac!

Salmos 103:14

ma' ñi'maxare ỹa'deenta cá'maq ỹachigoxotauguilo qomi' na' qaro'uet: ñi'maxare ỹa'deenta quiyim sachigoxosqaugui na 'laua.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Eclesiastés 3:7

'Ue yi laloqo' quiyim 'ue ca qaỹasectaqta'gue, chaqai 'ue yi laloqo' quiyim 'ue ca qaneuara'gue. 'Ue yi laloqo' quiyim retaqa na qom, chaqai 'ue yi laloqo' quiyim i'maxañi.

Isaías 2:22

Totaxan pi'iitapega na qom, ma' sham qaica quet cá'maq 'negue. Ma' da nachaalataxac na qom 'ec quiyim chi qanauec ca nacat. (3.1—4.6 Nouaxanaxaset na nemaqajnaxairipi chaqai sauaqhuaiquipi. Qaỹachaxantac da na'maxa chaqai quiyim pilchigui nqohin dá'maq 'au 'neetari' yi Israel.)

Isaías 64:8

Qam qami' ná'maq qami' qareta'a; qomi' nauá'maq qomi' nishaaxa, ca' qami' ná'maq qami' no'xonaxanaq; ¡qomá'ogue qomi' ro'ueenataxahi'!

Ezequiel 37:5

Ñi qara'gaxala' 'naac caqamiri: Tauguilo ñqaishine' qamiri ca nacat ỹa'ue da nca'laxa, qaiyi rca'lliiuec.

Ezequiel 37:6

Sa'ue ma'le aca ro'ootahi, ca' sosapaxanlec queca la'at, ca' sapolec quena loshicmaxa, ca' saanem ca lacat, qaiyi liỹa nca'leuec. Ca' ma'le, ca' 'yiiñiỹa'a qamiri quiyim ỹim na'gaxala'.

Juan 20:22

Ca' pe'teuguilo' na'le saua'maxare, ca 'naaco': —Coñiguit na Espíritu Santo.

Hechos 17:25

Chaqai se ỹouen quiyim 'ue ca chaqai qom lo'ueenatec, ỹahotaque qoỹaanem, ma' chaqaiñi ñí'maq chicqo'ot qomá'ogue da qarca'laxa, na qaracat, chaqai ná'ogue nanchaqaina.

Romanos 9:20

¡Qam qami' qom! ¿Negue' queto' aqami' quiyim taxaisa'guit ñi qota'olec? ¿Loqo'm 'ue aca no'xona 'laua ishit 'naapega cá'maq no'xonqo': “Chi'neco' ma' 'ñiiteteco' aỹim dajo na' yo'viichi'?”

1 Corintios 15:45

Ca' chaqaida 'nerac naua nerecse' la'qaatqa ñi qota'a: “Só'maq 'auaxaic qom, leenaxat Adán, co'na' qaỹo'uet, ca qoỹanagui quiyim ỹaatqajam nca'leetauec nqohin.” Qam so Cristo só'maq pa'aatec Adán, ca' chaqaiso só'maq na'al só'maq ishit ca'laqataxan.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

2 Corintios 4:7

Qam dá'maq paguec lesega'a hueetagui na qaroshicmaxa, ná'maq 'ec aca chaqai 'ueena 'laua, qaiyi re'oq dá'maq chalego lecaic nquesaxanaxa chicqo'ot ñi qota'a, mesqai chaqai chicqauguilo qomi'.

2 Corintios 5:1

Ma' qomi' sa'deenaq quiyim ma' imeho na qaroshicmaxa ma' 'nejem ca 'imec quiyim sqaỹaloq 'guiñi, qam ñi qota'a shi'gue ỹa'maxatetañi ca qara'a' sqaica lqodoc quena piguim, qam mese lo'ueenatec ca chaqai qom.

1 Timoteo 2:13

Ma' ñi qota'a 'au ỹo'uet so Adán. Ca co'na' ime, ca ỹo'uet aso Eva.

Hebreos 12:9

Chaqai qai'neeta na' ñaqai qomi' ñaaqaipioqui', ca' na qareta'allipi quena 'laua ña'xaỹaxanqa'talo quena' qarapaxaguin. Ca' ¿chi'negue queta' sqai paguec ña'xaỹaxanaxa ñi qota'a se re'xogui, qaiyi 'ue ca qarca'laxa?