Génesis 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca chaqaido' dá'maq 'neeto' na'le na' qaỹo'uet na piguim chaqai na 'laua. Co'na' ñi qara'gaxala' qota'olec ỹo'uet na piguim chaqai na 'laua,

Génesis 2:4 Iomraidhean Croise

Génesis 1:1

Co'na' ñaqai chita'gue ỹo'uet ná'ogue ñi qota'olec, ca 'au ỹo'uet na piguim chaqai na 'laua.

Génesis 1:28

Ca' ỹaanouguilo da no'uen la'qaatec, 'naaco': 'Xoic, ỹaatqajam 'xoic nqai'ñii ca qachaalguii; no'xataxachijlec na 'laua chaqai 'viiquiñitac; chaqai 'viiquiñitac na nalliñipi chaqai na ỹoipi, chaqai ná'ogue na iseripi nqai'queetegueri'.

Génesis 1:3

Co'na'le, ca 'naaco' ñi qota'olec: ¡Sahotaque quiyim re'qoochiguiñi! Ca chaqa'ma' re'qoochiguiñi.

Génesis 1:31

Ca' ñi qota'olec iuana quiyim sá'ogue so lo'ueenatec ỹa'maqachiguiñi. Ca' chaqaido' dá'maq 'neeto' na'le na' ỹovirerec saua seis na'xata'.

Génesis 1:4

Ca' ñi qota'olec co'na' iuana 'maxaraic quiyim re'qoochiguiñi, ca' ỹoỹoote'oga queso napalaxa.

Génesis 10:1

Ca' chaqaina najo na llaalqaipi so Sem, Cam chaqai so Jafet, llaalqa so Noé sauá'maq co'na' ime'uegue so huaxaỹaq lodegaxat, ca 'vii sauá'maq chi lalamaxarete' llaalqa.

Génesis 11:10

Ca' najo ná'maq llaalqaipi so Sem, co'na' ỹoxe'uegue so huaxaỹaq lodegaxat nalauajñi so qomyipi. Ca' quesaua dos ñaxari liỹa', ca' so Sem ỹovite' cien ñaxari, ca ne'qaaño' so llaalec leenaxat Arfacsad.

Génesis 2:3

Ime, ca ỹanegue sojo pa'aatec na'xa'a quiyim le'xorenataxanaxaqui, ca ỹoỹoote'oga quiyim qaimaqachin so na'xa'a, ma' sojo na'xa'a chaqaiso viichigui na' nco'matec quená'ogue na lo'ueenatqaipi.

Génesis 25:12

Ca' 'ena na llaalqaipi so Ismael só'maq llaalec so Abraham, late'e aso Egipto lase leenaxat Agar, lelaata aso Sara.

Génesis 25:19

Dajo dá'maq na'qaataxac so Isaac só'maq llaalec so Abraham.

Génesis 36:1

Ca' 'ena na llaalqaipi so Esaú, na'aamataxat da Edom.

Génesis 36:9

Ca' najo ná'maq llaalqaipi so Esaú só'maq chigoxougui na edomita laseripi ná'maq neetalec yi 'laua Seir, yí'maq huaalec ana quemaralec qa' ladocaipi.

Génesis 5:1

Ca' anajo aná'maq lomalate so llaalqaipi so Adán. Co'na' ñi qota'olec ỹo'uet so qom, ca chi nadenaxatalta'. Ca' ỹaatqajam chaqai 'ec da no'ueenataxac ñi qota'olec nqai'en so'maxare.

1 Reyes 18:39

Ca' so qomyipi co'na' iuanchigui dajo, ca sá'ogue ỹa'chi'iñi naua le'cootal, ỹoviraqta'guit na latap na 'laua. Ca 'naaco': —¡Ñi qara'gaxala' ỹaatqajam qota'olec ỹapacauec, ñi qara'gaxala' ỹaatqajam qota'olec ỹapacauec!

Job 38:28

¿Negue' cá'maq leta'a na ỹaxat chaqai ana 'ỹa'?

Job 38:4

¿Nega'ỹo' ca vi'sa'gue na' so'ueetetac na 'laua? ¡Choxochi' no'm llic 'ue ca 'yiiñi'!

Éxodo 15:3

Ñi qara'gaxala' ỹaatqajam nalauataxai. Ñi'maxare ¡chaqaida da leenaxat qara'gaxala'!

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.

Apocalipsis 1:8

Ca' 'naac ñi qara'gaxala': “Chaqaỹim ná'maq ỹim 'auaxaic, chaqai spa'aatec”, 'naac ñi qara'gaxala' ñí'maq sqaica lqalanec, ñí'maq chaqai'en 'ue, chaqai ñí'maq chaqai'eno' quen, chaqai ñí'maq naata'quena ma'le.

Apocalipsis 11:17

'Neracsa': Saanqaem qami' da qana'aachic, qami' qara'gaxala' sqaica ca qalañirac, ma' chaqai'en 'ue qami', ñí'maq chaqai'eno' quen, chaqai ñí'maq naata'quena ma'le. Ma' mashic coñito' dá'maq chalego lecaic rquesaxanaxa'e' quiyim 'viiquiñi'sac ná'ogue najo.

Apocalipsis 16:5

Na' ime, ca' sa'xaỹa só'maq nelaatec piguim le'ec ỹoiquenac na huaxaỹaq, 'naacsa': —Ỹaatqajam ỹa'maqachiguiñi dá'maq 'neeta nqai'ñi' da nouaxanaxaset, qami' qara'gaxala', qami' qota'olec ỹaatqajam qami' co'teeta, ma' 'ue qami', chaqai chaqai'eno' quen 'ue qami'.