Génesis 2:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Qam ada qo'paq chicqaugui quiyim qaỹa'den ca lo'yaxanec chaqai ca se no'uen, ca' sqa 'qui'. Ma' no'm 'qui', ca' ỹaatqajam llic rillivi'.

Génesis 2:17 Iomraidhean Croise

Génesis 2:9

Ime, ca' ñaxajshiguim nqai'en ná'ogue ana ỹoreta'oguit no'uen qo'paq na'ic ana la. Ca' quena lavinñi so lanaxanqa' ỹanañigui aso qo'paq chicqaugui da nca'laxa, chaqai aso liỹa qo'paq chicqaugui quiyim qaỹa'den ca lo'yaxanec chaqai ca se no'uen.

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Génesis 3:11

Co'na'le, ca' qainato' quiñi qota'olec: —¿Nega'ỹo' cá'maq 'naapega qami' quiyim ñi'sauec? ¿Peeta'a 'qui' aca la ada qo'paq dá'maq shinac quiyim sqa 'qui'?

Génesis 3:17

Chaqai 'naaco' quesó'maq ỹale: —Sauaxat ma' na'xaỹaxañiteto' ada roua'e' co'na' 'qui' aca la ada qo'paq dá'maq shinac quiyim sqa 'qui', ca nagui na 'laua huaalec na se no'uen sauaxat qami'. Ỹaatqajam 'ue da na'ñaaqataxaqui' quiyim 'ueenataxañi', ca' qaigueme 'ue ca qanoqe' quenaua'que naua na'xata' queda nachaalataxaqui'.

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Jeremías 26:8

Ca co'na' so'maxare ỹomat dá'maq ỹa'xat dá'maq qohinapega quiñi qara'gaxala', ca' sá'ogue so qomyipi iconlec so'maxare, ca 'naapega: —¡Nagui, ca' rillivi'!

Ezequiel 18:13

cá'maq ra'ualaxanaxanot aca lam quiyim qaỹouen chaqai nallijlec quiyim ỹa'ue aca lauegue, ca' cajo ỹale se ishit quiyim nca'leetauec, ma' ime quiyim ỹo'uet ná'ogue ná'maq se yqo'ta, ca' ileu ma'le. Ca' chaqaica ỹo'uet dá'maq chi lelauaxa.

Ezequiel 18:32

Ma' ỹim se sa'maxaren quiyim 'ue ca ileu. 'Xañiñi da se no'uen, qaiyi rca'lliiuec. Ỹim na'gaxala', se'taxajñi da ỹa'qaatec. (19.1—30.26 Ñi qara'gaxala' qota'olec ỹadentalec so lalamaxareteripi chaqai qai'neeta ỹadentalec so liỹa qomyipi sqoỹoqaque quiyi Judá.)

Ezequiel 18:4

Ỹim ỹaatqajam ỹalamaxaret ná'ogue na ỹoreta'oguit qomyipi, ca neta'a chaqai ca llaalec. Cá'maq 'ue ca lasauaxaset, ca' chaqaica ileu.

Romanos 1:32

Na'maxare ỹaatqajam ỹa'deenta ná'maq relaataxanlec ñi qota'a, chaqai ỹa'den quiyim ná'maq ỹo'ueetetac dajo tai'a yi nelauaxa. Qam qaiyiita ỹo'ueetetac, chaqai vire'ta nqo'ta quiyim 'ue ca iuane'ta ỹo'ueetetac da'maxare.

Romanos 6:16

Ma' qamiri ỹaatqajam 'yiiñita quiyim no'm nañaañiỹot ca na'coori viitaque quiyim qamiri lelaatqa, ca quecá'maq 'naac, ca' na'xaỹaxañii'ta ca'maxare, ma' na'coori. Ca qaican ỹapaguec no'm quii'uegue da hualoxonqaishic na'xaỹaxañiỹa 'ñiita'gue ca na'coori, ca da'maxare noviraxat ma'le ca nelauaxa, loqo'm na'xaỹaxañiỹa ñi qota'olec, ca quiitalec 'viichitac dá'maq no'uen queda nachaalataxaguii.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

1 Corintios 15:22

Ca' chaqaida da 'neeta quiyim ná'ogue na qomyipi ileu, ma' na'deetau'a so Adán, ca' qai'neeta ná'ogue nca'leuec nqohin ná'maq na'deetau'a so Cristo.

1 Corintios 15:56

Dá'maq ỹachigoxotetapougui da lquesaxanaxa da nelauaxa quiyim qomi' que'maqachite', chaqaida dá'maq nasauaxaset, chaqai na lelaataxanaxaquipi ñi qota'a chaqaida dá'maq nqo'naxatec da lquesaxanaxa da nasauaxaset.

Gálatas 3:10

Ná'maq illiitagui da lpi'ỹaxac ná'maq naqataxaquipi chicqo'ot so Moisés, na'maxare tai'a dá'maq chalego lecaic nouaxanaxaset. Ma' naua naneresañi la'qaatqa ñi qota'a 'nerecsa': “Ná'ogue ná'maq se ipacqajñigui ná'ogue ná'maq naneretalec aso lere naneraxalate na naqataxaquipi, ca na'maxare hueetalec na chalego lecaic nouaxanaxaset quiñi qota'a.”

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.

Deuteronomio 27:26

Ñi qota'olec ỹa'ue ca nouaxanaxaset cá'maq se na'xaỹaxanalo naua'que naua napaxaguinataxanaxaco quiyim ỹo'ueete'. Ca ná'ogue na qomyipi 'naac: Ajá'a, chaqaida 'neeta dajo.

Deuteronomio 30:15

Ca' nagui, ca spa'xano'oto qamiri, qaiyi nca'aiguilo naua dos: da nca'laxa chaqai dá'maq no'uen, loqo'm da nelauaxa chaqai da se no'uen.

Deuteronomio 30:19

Quenajo na'xa'a, ca spa'xano'ot na piguim chaqai na 'laua quiyim reloqota'alo qamiri quiyim mashic saanema qamiri quiyim nca'aiguilo daua dos: da nca'laxa loqo'm da nelauaxa, da no'uen loqo'm da se no'uen. Ca' no'uen quiyim nca'aiua'a ca nca'laxa, qaiyi rca'lliiuec chaqai na qachaalaxahipi.

Colosenses 2:13

Ma' qamiri quesaua 'auaxaqa ñaxari 'ec qamiri leuaxaqa sauaxat na rasauaxashichii chaqai sqaica ca netanaxashichii. Qam nagui ñi qota'a, ca' ỹo'uet quiyim rca'laxauahi so Cristo na' ỹapalaxat ná'ogue na rasauaxashichii.

1 Timoteo 5:6

Qam aca pa'ỹe quelec quiyim se netelalta', 'nesa ma' ñaq nca'leetauec, qam mashic 'eco' shi'gue ileu.

Santiago 1:15

Ca' dajo nqo'itaxanqachic queda se no'uen, da'maxare chicqaugui ca nasauaxaset. Ca' dajo nasauaxaset ma' ỹovita ca laloqo' quiyim 'ec ỹi, ca re'oq quiyim 'eco' chicqaugui da nelauaxa.

1 Juan 5:16

Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 20:14

Ca na' ime, ca' so nelauaxa chaqai só'maq lapooqo' na leuaxaiquipi qainaxariñigui ca norec lodegaxat. Ca' sojo norec lodegaxat chaqaiso só'maq co'uaataxanaxaic nelauaxa.

Apocalipsis 20:6

¡Chalego la'maxa quená'maq nouanau'a ma'le só'maq 'auaxaic nca'laqataxanaxac, chaqai lalamaxareteripi ñi qota'a! Ca tot qaỹovira'a quesó'maq co'uaataxanaxaic nelauaxa, ta'ta'a quiyim netaxaỹaxanqajanqaipi quena lalamqateripi ñi qota'a chaqai so Cristo. Ca' quiyi, ca' lotaua so'maxare quiyim nashillipi quecaua mil ñaxari.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

1 Samuel 20:31

Ma' quiyim so'maxare ñaq nca'leetauec quena 'laua, ca' qami' chaqai dá'maq ro'ueenataxanaxaqui' quiyim qami' nashi qaica ca la'maqa'. Vichiguiño' nagui laataxañire'oga, ca naviquiro, ma' ca'maxare 'maxaraic quiyim ileu.