Génesis 19:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam saua'maxare 'neraco': —¡Qo'ñirec quenajo! Saqa'leco'eda quiyim ca chicqauec 'nejem qami' ỹahotaque qarela'. Qam ¡nagui paguec la'aaxa dá'maq shinqa'tegue qami' quiyaua'maxare! Ca chaqa'ma' se qaỹa'maxata'gue so Lot, ca qanqo'neu'a ca lasom qaỹahotaque qaỹopoxoỹaxato.

Génesis 19:9 Iomraidhean Croise

Génesis 11:6

Ca ra'deenataxantaco', ca 'naaco': Na'maxare neuo' laseripi chaqai na'qaachaxauaripi. Ca' vichiguiño' taañi quiyim ro'ueenataxan. Ca' nagui qaica ma' ỹaxanñi quet dá'maq mashic ỹo'uet.

Génesis 13:12

Ca' so Abram no'ueenalec yi 'laua Canaán. Ca' so Lot quepegue' quiyim naañigui yi na'aateripi naalec so ca'megue sqoỹoqaque nqai'en yi na'a' lodegaxat Sodoma,

Éxodo 2:14

Ca só'maq hebreo le'ec 'naaco': —¿Negue' cá'maq ỹanagui qami' quiyim qarelachi', chaqai quiyim 'ñirapegalo qomi' queca ỹa'maqachiguiñi chaqai queca se ỹa'maxañi? ¿Loqo'm vi'saque quiyim yalauachi', 'ñitetegue aỹim dá'maq 'ñitetegue na' lauachi' so Egipto le'ec? Ca co'na' 'xaỹa dajo so Moisés, ca' 'ue da lqolonaxa, ma' retano' quiyim mashic qaỹa'den quiyim ỹalauat so Egipto le'ec.

Eclesiastés 9:3

Dajo dá'maq se no'uen quená'ogue ná'maq 'ue quena 'laua: ná'ogue qaidaata dá'maq taỹa'gue. Chaqai da liỹa quiyim da la'deenataxanaxac na qom no'qaachigui quena se no'uen; queeta'pegue' dá'maq quiyim qaica ca ỹa'den quedá'ogue da nachaalataxac; ca quena' ncopa, ca' ¡ỹovita yi napalyipi!

Ezequiel 16:49

Dajo dá'maq lasauaxaset aso rqaỹa'e' Sodoma chaqai saua liỹa' na'aaterolqai': ma' nemaqajnerari' ma' sqaica ca ỹouensac quena na'ic chaqai ỹa'maqachiriñi, qam se ỹauana quiyim ỹotauane' ca 'xoraic chaqai ca 'ue ca ỹouentac.

Mateo 7:6

Sqai 'ỹaañim na pioqripi cá'maq nouenec se ishit qaiualaxain. Ma' no'm na'maxare ỹopilaxajalgoto, ishit ỹasectaqta'pe qamiri. Chaqai sqai naxaiu'a aca no'ueetqachii leenaxat perla aca cos, 'neeto' co'vigui.

1 Samuel 17:44

Chaqai qai'neeta 'naaco': —¡Na'itquena, ñaq squi'ỹaxanco' na ra'aachi' na qo'o ỹootegueri' chaqai na iseripi!

1 Samuel 2:16

Chaqai no'm ca qom 'naac: —Qam 'au savigaxataq ana lo'ỹo, ca' ma' ime, ca' 'viiquiñi'sac cá'maq coñira'a. Ca ná'maq lelaategue' 'naaco' quen: —¡'E', nagui nañaañirim! Noma'chi', ca' souootaxana'gue.

1 Samuel 25:17

Qam só'maq roua'e' ma' la'axaic lqahic, ca' qaica ca ishit retaxaỹa. 'Deenataxañirac qami', ca' vite cá'maq chi ro'ueenataxanaxaqui', ma' qami' 'yiiñite' quiyim 'ue ma'le ca lo'maxaset so roua'e' chaqai quená'ogue na qachaalaxai'ipi.