Génesis 19:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca 'uo' so na'xa'a asó'maq ỹi llaale 'naaco' caso lano'o: —Ñi qareta'a mashic qo'xoỹom, qam quenajo 'laua qaica ca 'oonoqui' ỹale quiyim o'ñiguita qomi', qaiyi ipaquichigui dá'maq no'ueenataxac na qomyipi.

Génesis 19:31 Iomraidhean Croise

Génesis 16:2

Ca 'naapego' so loua Abram: —'Anta, ñi qara'gaxala' se ỹo'uet ca ỹaalec. Qam ñi'xoresene'tot qami' quiyim quirepegue' añi ỹa'a Agar, sha'apiguito' 'ue ma'le ca ỹaalec chicqotougui añi'maxare. Ca' so Abram saachiguit da la'qaatec aso Sarai.

Génesis 16:4

Ca' so Abram viguit aso Agar, ca so'maxare 'man. Qam co'na' retan da 'neetari', ca' se nqo'ta quena' ra'ỹo'ot aso na'cooro.

Génesis 19:28

Ca ra'ỹa'gue dá'maq pa'aasa'gue yaua Sodoma chaqai yi Gomorra, chaqai quesá'ogue so ca'megue. Ca iuane'ta na lesalaxaripi quiyá'ogue yijo 'laua mashic 'ec nqatelaxanaxaqui.

Génesis 4:1

Ca' so ỹale mashic viguit aso loua Eva, ca 'man aso'maxare, ca 'uo' so llaalec Caín. Ca 'naaco': —Mashic 'ue ñi ỹaalec ỹale; nañaañim ñi qara'gaxala'.

Génesis 6:4

Na qomyipi ladocaqaipi qai'neeta re'oq na'le quena 'laua na' so llaalqaipi ñi qota'olec viguit na llaallipi na qomyipi quiyim 'ue ca llaalec cana'maxare. Ca co'na' ime, ca' chaqaiso só'maq choxoraic 'ñaaxaiquipi queso 'auaxaic qomyipi.

Marcos 9:6

Ma' saua lapaxaguinatqa ỹaatqajam no'chi', ca' so Pedro se ỹa'den dá'maq ỹa'xatetac.

Deuteronomio 25:5

Ca no'm 'vii caua dos nqaỹa' quiyim cá'ogue ca la'aate', ca' quiyim 'óna ca ileu quecaua'maxare, qam saqa'leca llaalec, ca' acá'maq pa'ỹe sqai ỹoqa'a ca loua quiyim 'on. Ta'ta'a quiyim chi reloqo'chiguit cá'maq lqaỹa cá'maq loua sou, ca' ipaquichigui nqai'en dá'maq leloxoỹaxac ca ni'ỹoxoua.