Génesis 19:3 - La'qaatqa ñi qota'olec Qota'olec & Qota'olec Novita Na Qomyipi

³ Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Génesis 19:3 Iomraidhean Croise

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 21:8

Ca' so Isaac noquiiquetashiguim, vire'ta na' ỹaxanñi da lillipaxac. Ca' queso na'xa'a co'na' ỹaxanñi da lillipaxac, ca' so Abraham ỹo'ueeto' so lemaqachic lodegaxat.

Génesis 24:31

Ca' 'naaco': —Ỹala'e', qami' lqouagaxat ñi qara'gaxala'. ¿Chi'negue queta' pa'a'isauec quenajo? Ma' shi'gue sa'maxatetañi yi ỹa'a' chaqai yi lomaate' naua qalohi'.

Génesis 26:30

Ca' so Isaac ỹo'ueeto' so nqui'ỹaxac lodegaxat, ca saua'maxare qui'ỹe' chaqai ne'te'.

2 Reyes 4:8

Ca 'uo' so na'xa'a quiyim so Eliseo quejlec yi Sunem, ca 'uo' aso 'aalo nesallaxana na'ñi yi Sunem ỹaatqajam 'xoic da lepagaxallic quiyim lqui'ỹaaqa' yi la'a'. Ca co'quena' que'tegueyi so Eliseo, ca lotqai lqui'ỹaaqa' yi la'a' aso'maxare.

Éxodo 12:15

Ca a'guii ma'le na pan qaca aca lalequete caná'maq pe'taxachigui quecaua siete na'xata'. Ca quecá'maq 'auaxaic na'xa'a, ca chaqa'ma' qaca ana nalequetenaxanqate pe'taxachigui na pan quenaua ra'aachiri. Ma' canchaqaica no'm ỹa'ic ca pan 'ue aca lpe'taqate, ca' qaỹoỹoote'oga quena llaalqaipi so Israel.

Éxodo 12:39

Ca ma' sqaica ca ledaaqa' quiyim ỹo'uet ca nouene' aloq, ma' so Egipto laseripi ỹo'daauec ca'e nqai'en yi 'laua, ca ỹo'uet ana lqueualata ỹachigoxotaugui aso laqaulata quiyi Egipto saqa'laca aca lalequete lpe'taqate.

Lucas 11:8

Ca' ỹim shinac qaiyiita quet ne'laxashiguim, qam mesqaida quiyim so'maxare namígo. Qam ỹo'uet, qaiyi totqai queeta da ledaxanataxanaxac, ca ỹaanem cá'ogue cá'maq ỹouentaque.

Lucas 14:23

Ca' so 'co' 'naapego' so lelaatec: “Mo'e', quiteguelo ma'le naua nayico leta'al chaqai naua nayicolqai' chaqai repaquira'a na liỹa quiyim nenoxono, qaiyi no'xagui na iuo'.

Lucas 5:29

Ime, ca' ỹo'uet so lqui'ỹaxac lodegaxat, illa'ñi yi la'a', lqui'ỹaxaua so Jesús. Ca' ỹaatqajam 'xoico' so ỹalequetaho quesó'maq ỹacona'piguit ana nishiuete so nashi quiyi Roma, chaqai 'xoic ná'maq liỹaripi nqa'xantañi, reloqotalec so nqui'ỹaxala'.

Juan 12:2

Ca' qaỹo'uet so na'ic qaique'eelec so Jesús, ca aso Marta imeentapeguec so na'ic. Ca' so Lázaro ỹalequetaho, reloqotalec so nqui'ỹaxala', lqui'ỹaxaua so Jesús.

1 Corintios 5:8

Vichiguiño' quiyim soqolqata'pegue' ñi qota'a, no'uen quiyim qolqata'gue da 'chichiguiñi ñicyaxac chaqai da ỹaatqajam lliqueta leloxoỹaxac da na'qaatec, dá'maq 'nejem aca naqaulata qaca aca lalequete. Se ishit quiyim qolqatalec da se ỹa'maxañi chaqai se no'uen, ma' da'maxare 'nejem aca ñauapec nalequetenaxanqate.

2 Corintios 5:14

Da le'xorenataxanaxa so Cristo ỹaatqajam qarela', ma' ỹaatqajam sa'deenqata quiyim 'oonoqui' so ileualec ná'ogue na qomyipi, vichiguiño' ná'ogue na'maxare 'ec ileu.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

Jueces 6:19

Ca' so Gedeón eec, ca' ỹa'maxajñi so quetaq llaalec chaqai ỹaqaulachit so 'aríña, ca ỹo'uet so panyipi qaca lalequete cana pe'taxachigui. Ime, ca' so la'at illaañigui aso canasto, chaqai so li'i illaañigui aso 'ueena. Ca' sá'ogue ỹodouec quiyi na'ñi aso qo'paq leenaxat encina.

1 Samuel 28:24

Ca' aso 'aalo, ca' eec, ỹalauat so huaqui llaalec 'uegaxasaq neeta'ñi yi la'a', chaqai ỹaqaulachit so 'aríña. Ca' ỹalataq aso laqaulata qaca aca lalequete pe'taxachigui.