Génesis 19:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' chaqaida 'neeto' na'le na' ñi qota'olec nopoxoỹaxachiñi sauajo na'aate' quesó'maq ca'megue neeta'ño' na'le so Lot. Qam ỹo'leenta'a so Abraham, ca naqata'a so Lot na' nopoxoỹaxachiñi yaua'maxare.

Génesis 19:29 Iomraidhean Croise

Génesis 11:27

Ca' 'ena na llaalqaipi so Taré só'maq leta'a so Abram, Nacor chaqai so Harán. Ca' so Harán chaqaiso' so leta'a so Lot.

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 30:22

Qam ñi qota'olec ỹo'leento'o' aso Raquel, ca' 'xaỹa da nqouagaxainaxac. Ca lotqai 'uo' nqai'en so llaalqaipi.

Génesis 8:1

Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Deuteronomio 7:8

Ñi qara'gaxala' naqata'alo qamiri quiyi Egipto yí'maq ñiita'ñi na' qamiri na'aquipi, ca' ỹahote'e dá'maq chalego lecaic lquesaxanaxa na' naqata'alo qamiri queso Faraón, ma' i'xorene' qamiri chaqai quiyim ỹahotaque ipacqajanchigui dá'maq la'qaatec na' 'ue da ỹaanec la'qaatec queso 'auaxaic qataa'illipi.

2 Pedro 2:7

Qam nca'laxatec na'le so Lot, ma' so'maxare ỹaatqajam huagaxaraic ỹale, chaqai 'xoico' quen na nqui'ic quena' ỹa'ajantac dá'maq se no'uen loic so qomyipi hualoxonyipi.