Génesis 19:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca ỹopoxoỹaxachigui liỹaata'ñi' ná'ogue ná'maq na'ñi yi'maxare. Chaqai nomachichiguiñi ná'ogue ná'maq ñaxajlec so ca'megue.

Génesis 19:25 Iomraidhean Croise

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 13:12

Ca' so Abram no'ueenalec yi 'laua Canaán. Ca' so Lot quepegue' quiyim naañigui yi na'aateripi naalec so ca'megue sqoỹoqaque nqai'en yi na'a' lodegaxat Sodoma,

Génesis 14:3

Sojo cinco nashillipi lapoỹata' notauanta' nqai'en so nalliripi. Ca lapoỹata' queso ca'megue yí'maq hua'ñi nagui aso huaaxai leenaxat Huaaxai Leuaxai.

Salmos 107:34

chaqai na lo'yaxanec 'laua ñigui lalagaxalec nqai'en, sauaxat da leualoxonqaishic ná'maq qomyipi neetalec;

Jeremías 20:16

¡Saxanchi' cajo ỹale 'nejem nqohin na na'aateripi leta'allipi quiyim ñi qota'olec lqodoc nqai'en nopoxoỹaxajñi! ¡Chaqai quiyim cajo ỹale 'qaataque quiyi nete'eta da naualaxac quena nqui'ic, chaqai 'qaataque na lauataq quiyi na'xa'a lavinñi,

Ezequiel 16:50

Paguec nemaqajnaxai chaqai 'ue na ỹo'ueetetac se yqo'ta; vichiguiño' ñopoxoỹaxajñi, ca' qami' huañichirigui na'le.

Amós 4:11

Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.