Génesis 19:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' ñi qara'gaxala' chicqo'ot nqai'en na piguim so norec chaqai na 'eco' quiquiaxaic, ca taalec nqai'en yi Sodoma chaqai yi Gomorra.

Génesis 19:24 Iomraidhean Croise

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 13:12

Ca' so Abram no'ueenalec yi 'laua Canaán. Ca' so Lot quepegue' quiyim naañigui yi na'aateripi naalec so ca'megue sqoỹoqaque nqai'en yi na'a' lodegaxat Sodoma,

Génesis 18:17

Co'na'le, ca 'ñiichiquio' lauel ñi qara'gaxala': Nagui sa'qaataxanem na Abraham quedá'maq shim so'uet.

Génesis 19:23

Ca co'na' mashic richiguiñi, ca so Lot ỹovito' yi Zoar.

Job 1:16

Ca na' saqa' ỹomat da ỹa'xatetac sojo ỹale, co'na' noviro so liỹa. Ca 'naaco': —Nimiichiguiñi so neloxoỹaripi cana qagreta, qanouaxañi'ña caso soxonaxa. Qaỹimeta qayayit, ca' ñanaiquena sa'ue ra'xaỹaxaqui'.

Éxodo 9:23

Ca' so Moisés ỹachaxanshiguimo' da lqai'laxat quena piguim. Ca' ñi qara'gaxala' nela' ana soxonaxa, nqai'legaxa chaqai ana qalachi, taalec nqai'en yá'ogue yi 'laua Egipto.

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Jeremías 20:16

¡Saxanchi' cajo ỹale 'nejem nqohin na na'aateripi leta'allipi quiyim ñi qota'olec lqodoc nqai'en nopoxoỹaxajñi! ¡Chaqai quiyim cajo ỹale 'qaataque quiyi nete'eta da naualaxac quena nqui'ic, chaqai 'qaataque na lauataq quiyi na'xa'a lavinñi,

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Amós 4:11

Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

Lucas 10:12

Ca' shinapegalo qamiri quiyim quecajo na'xa'a ma' qaimit ná'ogue najo, ma' qaỹa'ue ca nouaxanaxaset cajo na'a', ca ỹaatqajam paguec lecaic queca nouaxanaxaset so qomyipi na'ñi na'le yi na'a' Sodoma.

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.

Apocalipsis 14:10

ca ca'maxare ni'chigui nqohin dá'maq chalego lecaic nouaxanaxac ma'le chicqo'ot ñi qota'a, dá'maq qaỹa'maxatetañi 'ec hueetagui añi 'taxaqui dá'ogue da lonogoxonaxac ñi qota'a. Ca' qaỹo'uet ma'le ca le'xoric, qaỹodoota'a ca norec chaqai ca quiquiaxaic ỹaviquetaugui, ỹa'ajantac nqohin na lelaatqaipi ñi qota'a chaqai so 'ec qagreta llaalec.