Génesis 19:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so 'óna quesaua'maxare 'naaco': —Sa'qaatapega dá'maq 'ñirac, ca so'uet dá'maq shiilaxañisaque. Se ñopoxoỹaxajñi yí'maq 'ñirac na'a'.

Génesis 19:21 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 18:24

Ma' sqoue 'ue ca ỹovite' cincuenta caua sqaica ca lasauaxasete' quiyi na'a'. Qam ¿peeta'a qaiyiita nomachichiriñi yi na'a', ca' sqai 'xoriñi' chicqochiguilo caua cincuenta?

Génesis 19:20

'Ue yi na'aa'oqui' sqoỹoqaque quenajo, yí'maq ỹa'maqachiguiñi se'guena. Quiyim 'maxariñita, shicpegue', qaiyi yca'leuec. 'Nesa ma' yi'maxare ỹaatqajam cocho'qui'.

Génesis 19:22

Qam raqamqai', qui', quirepegue' yi'maxare. Ma' ỹim sqaica ca so'uet ma' saqa' vichita yi'maxare. Vichiguiño' yijo na'a' leenaxat nqohin Zoar, loqo'm sqa logoñoqui'.

Génesis 4:7

Quetqai 'viichi'saco' ca ỹa'maqachiguiñi, ca' nedaañichirishiguim quet. Qam ma' sqai 'viichi', ca yí'maq rasauaxashichi' nauaantaque cá'maq la'maqa' quiyim qami' loxonec. Qam qami' quet ná'maq qadoxonqui' quet da'maxare.

Jeremías 14:10

Ñi qara'gaxala' 'neetasa' da la'qaatec, taỹaugui na llaalqaipi so Israel: Najo qomyipi nemeeten quena taaguilo. Vichiguiño' se yqo'ta. Nagui, ca ño'uenegue na lasauaxaseteripi, ca' so'uet ca nouaxanaxaset na'maxare.

Mateo 12:20

Chaqai vire'ta se ỹaqaguit aca noqola late'e quiyim namaxagui, chaqai se ỹo'mat ca ncoỹeraxanaxat quiyim chi nichitashiguim, chi ỹovireta'a quiyim ỹa'yiñi dá'maq ỹa'maqachiguiñi lo'ueenataxanaxac.

Lucas 11:8

Ca' ỹim shinac qaiyiita quet ne'laxashiguim, qam mesqaida quiyim so'maxare namígo. Qam ỹo'uet, qaiyi totqai queeta da ledaxanataxanaxac, ca ỹaanem cá'ogue cá'maq ỹouentaque.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

1 Samuel 25:35

Ime, ca' so David ỹacoñiguit só'maq li'ỹaac ỹodouec aso'maxare, ca 'naaco': —Pillira'a ca ra'aachi', qaica ca huapigui qavilli'. Mashic 'yiiñi' quiyim ña'xaỹaxanalo daua ra'qaataxahi', chaqai saañiraxarom cá'maq shiilaxañisaque.