Génesis 19:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 19:2 Iomraidhean Croise

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

Génesis 19:1

Ca co'na' mashic sham napalñi, ca' saua dos nelaatqa piguim lase' ỹovirero quiyi Sodoma. Ca' so Lot nqa'xantañi quiñi lasom yi na'a' yí'maq hua'ñi lapooqo' na qomyipi. Ca co'na' idaana'guita, ca ne'laxashiguim, ca'guita. Ca' nqai'guiñi, ỹoviraqta'guit na latap na 'laua.

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Génesis 24:31

Ca' 'naaco': —Ỹala'e', qami' lqouagaxat ñi qara'gaxala'. ¿Chi'negue queta' pa'a'isauec quenajo? Ma' shi'gue sa'maxatetañi yi ỹa'a' chaqai yi lomaate' naua qalohi'.

Génesis 43:24

Ime, ca sá'ogue ỹaueguec queca la'a' so José. Ỹa'ue ca huaxaỹaq, qaiyi quiỹo' naua lapiaate', chaqai ỹa'ue qai'neeta ca loq so 'ashinyipi.

2 Samuel 11:8

Ime, ca' qohinapega pile'oga ca la'a', ca' quiỹo' naua lapiaate'. Ca co'na' ime inoxonec so Urías queso 'imec lodegaxat, ca' so nashi ilarec so no'uen na'ic lachitaxanataxanaxat.

Proverbios 25:17

No'm 'piichira'a ca nauochaxaua'e', qam 'neeto' sqai 'migui nqai'ñi', 'ase' no'm neuala'a qami', ca noquii'raxaua'.

Cantares 5:3

Ca' shinac: Mashic shi'gue ñaqate' saua ỹoho; ¡ca lotqai liỹo' sañiñi! Shi'gue squiỹoota'pe naua ipiaate', ca lotqai liỹa no'xaguilo quena 'laua!

Lucas 7:44

Ca' so Jesús ra'ỹo'ot aso 'aalo. Ime, ca' 'naapega so Simón, 'naaco': —¿Qami' peeta'a ra'iisa'a ñijo 'aalo? Cana' ñinoxonougui na qauochi', qam se nañaañi' ca huaxaỹaq lquiỹoqte' naua ichil. Qam añí'maq ñijo 'aalo quiỹo' naua ichil, quiỹoxonalo naua lachi', chaqai ỹashiviaqte', ỹahote'e na laue.

Juan 13:5

Co'na'le, ca ỹocorigui so quiỹoxoqui queso huaxaỹaq, ca' quiỹo' naua lapiaate' saua lapaxaguinatqa, ca ỹashiviaxate' naua lapiaate' queso shiviaqataxat nosaatetagui.

Hechos 16:15

Ime, ca' qanachilaxan chaqai sá'ogue so llaalqaipi. Ime, ca' ne'xoresene'toto qomi', ca 'naac: —No'm chaqaida nqai'ñii quiyim ya'yiiñii quiyim ỹaatqajam seuelec ñi qara'gaxala' Jesús, ca ñaqai cocho'qui' ñiỹa'ñi yi ỹa'a' la'xasqori. Ca' ỹaatqajam ipacoxoua', ca seuqa'anyi.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.