Génesis 19:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam ma' so Lot 'xoic da laỹaloxo, ca' saua nelaatqa piguim lase' iconalo naua laua', ma' ñi qara'gaxala' i'xoren so'maxare. Qai'neeta qaicona'a aso loua chaqai saua llaale, ca' naqata'alo quiyi na'a', qaiyi nca'lerec.

Génesis 19:16 Iomraidhean Croise

Génesis 19:15

Qam co'na' mashic sham richiguiñi, ca' saua nelaatqa piguim lase' 'neraco' queso Lot: —¡Riỹalli'sac! Ñirishiguim, 'xachi' quenajo añi roua'e', chaqai naua qachaalli', no'm sqai 'maxariñi' quiyim rillivi'. Ma' sahoqe ca nouaxanaxaset najo na'a'.

Génesis 43:10

¡Quetaxan sqaico' dá'maq qara'pigui nagui, shi'gue quet ỹoxoguelo qomi', 'ue quet shi'gue dos sopilaxalec na'maxare!

Salmos 103:13

Ñi qara'gaxala' ineequesenta ná'maq imaqachin ñi'maxare, 'ec ca neta'a quiyim ineequesen ca llaalec;

Salmos 107:1

'Ỹaañiỹot da na'aachicyaxaguii ñi qara'gaxala' qota'olec, ma' ñi'maxare huagaxaraic, chaqai qaica lqodoc da le'xorenataxanaxa.

Salmos 118:1

'Ỹaañiỹot da na'aachicyaxaguii ñi qara'gaxala' qota'olec, ma' ñi'maxare huagaxaraic, ma' sqaica lqodoc da le'xorenataxanaxa.

Salmos 32:10

Quena hualoxonyipi 'xoic ma'le ca nqui'ic, qam da le'xorenataxanaxa ñi qara'gaxala' nquepaxachichiguiñi ná'maq pi'ỹa'a ñi'maxare.

Salmos 33:18

Qam ñi qara'gaxala' se neme cochiitapega ná'maq imaqachin ñi'maxare chaqai pi'ỹa'a da le'xorenataxanaxa,

Salmos 33:19

ca nca'laxatec queda nelauaxa, chaqai nca'laxatetauec quena' novi' na nqopaaxa.

Éxodo 34:6

Ca co'na' que'tot so Moisés, ca 'uo' da 'naac, qam netenegue da la'qaatec: —¡Na na'gaxala'! ¡Na na'gaxala'! ¡Na'maxare qota'olec sotaxaraic chaqai 'xorenataxanaxaic, hualaxauaic, chaqai ỹaatqajam chalego lecaic da lqouagaxa quena qomyipi, chaqai ipacqajanchiguilo naua la'qaatqa quena' 'ue da 'naac! (34.7-27 Ñi qota'olec liỹa nadalaxashiguim da na'maqataxac)

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Juan 6:44

Sqaica ca ishit nacpegue' aỹim, no'm se qanauego quiñi ita'a ñí'maq yila'; chaqai aỹim liỹa ñca'laxatec queca pa'aatec na'xa'a.

Romanos 9:18

Ca' 'eda da 'neeta quiyim ñi qota'olec nqouaguegue cá'maq nqouaguegue, chaqai qai'neeta ỹa'ñaxat aca le'taxanata cá'maq ỹahotaque ra'ñi nqai'en.

2 Corintios 1:3

Semaqachinaq ñi qota'a, ñí'maq leta'a so qara'gaxala' Jesucristo, ma' chaqaiñi ñí'maq qareta'a qare'xoren, chaqai chaqaiñi ñí'maq qota'a ñí'maq se neme quiyim lo'daxatetapiguilo naua qovilli'.

Deuteronomio 6:21

ca' qamiri 'ñiỹac: Qomi' la'aqa na'le so Faraón quiyi Egipto, qam ñi qara'gaxala' chalego lquesaxanaxa na' naqata'alo qomi'.

Deuteronomio 7:8

Ñi qara'gaxala' naqata'alo qamiri quiyi Egipto yí'maq ñiita'ñi na' qamiri na'aquipi, ca' ỹahote'e dá'maq chalego lecaic lquesaxanaxa na' naqata'alo qamiri queso Faraón, ma' i'xorene' qamiri chaqai quiyim ỹahotaque ipacqajanchigui dá'maq la'qaatec na' 'ue da ỹaanec la'qaatec queso 'auaxaic qataa'illipi.

Tito 3:5

ca qarca'laxatec. Qam mesqaida quiyim 'ue quet ca ỹa'maqachiguiñi qaro'ueenataxanaxac, ma' ñi'maxare chi qare'xoren. Ca qarca'laxatec chicqochigui nqai'en ca qanachilaxac dá'maq 'em quiyim 'ec dalaxaic qane'xaỹoqsoxoc chaqai dalaxaic qanachaalataxac chicqo'ot so Espíritu Santo.

Josué 6:22

Ca' so Josué 'naaco' quesaua dos lelaatqa sauá'maq ra'ajnaxanto na'le yi 'laua: —Quiipegue' yi la'a' aca nanatqa lo'o', ca' naviguiuec chaqai cá'ogue ca lauo' laseripi, pacqajñichigui dá'ogue dá'maq ra'qaachiguio' na'le.

2 Pedro 2:7

Qam nca'laxatec na'le so Lot, ma' so'maxare ỹaatqajam huagaxaraic ỹale, chaqai 'xoico' quen na nqui'ic quena' ỹa'ajantac dá'maq se no'uen loic so qomyipi hualoxonyipi.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.