Génesis 19:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Co'na'le, ca' so Lot quepegueto saua ladonaxanqa sauá'maq ỹahosaque loua' saua llaale. Ca 'naaco': —¡Ne'laxachishiguim, oquiỹe'e najo, ma' ñi qara'gaxala' nopoxoỹaxajñi ma'le najo na'a'! Qam saua ladonaxanqa se na'xaỹaxanta da 'naac so Lot.

Génesis 19:14 Iomraidhean Croise

Génesis 19:15

Qam co'na' mashic sham richiguiñi, ca' saua nelaatqa piguim lase' 'neraco' queso Lot: —¡Riỹalli'sac! Ñirishiguim, 'xachi' quenajo añi roua'e', chaqai naua qachaalli', no'm sqai 'maxariñi' quiyim rillivi'. Ma' sahoqe ca nouaxanaxaset najo na'a'.

Génesis 19:17

Ca co'na' mashic inoxondec quiyi na'a', ca 'óno' so quesaua nelaatqa 'naaco': —¡'Iichi', qaiyi rca'llirec! Se nqovilquira, chaqai sqai vire'e quena ca'megue. Quirepegue' yi qoỹoqoshi'megue 'laua, no'm vi'saque rca'llirec.

Génesis 19:22

Qam raqamqai', qui', quirepegue' yi'maxare. Ma' ỹim sqaica ca so'uet ma' saqa' vichita yi'maxare. Vichiguiño' yijo na'a' leenaxat nqohin Zoar, loqo'm sqa logoñoqui'.

Éxodo 12:31

Ca' chaqaicaata ca pe, ca' so Faraón relaataxane'ogalo saua Moisés chaqai so Aarón. Ca 'naaco' quesaua'maxare: —Mohi, oquii'e najo, noỹoochiuec quena iuo' laseripi qamiri chaqai ná'ogue na Israel llaalqaipi. Mohi, quiipegue' nqouagaxaiñiỹot ca ra'gaxalari, repaguiỹalec dá'maq 'ñiỹac.

Éxodo 9:21

Qam 'uo' na liỹa sqailligueme' huelec da 'naac ñi qara'gaxala', ca ỹaxantac quiyim qaica ca ỹano'ot lapooque' na lelaatqaipi chaqai na laloipi, ca' hueetauec nqai'en.

Isaías 28:22

Ca' chaqaida, ca' ¡'xañiñi quiyim 'ue ca re'naxantac!, 'neeto' lotqai caua riquiichiri paguec ỹaueguero; ma' sa'qa'ta ñi qara'gaxala' sqaica lqalanec shi'gue ỹaanec da la'qaatec quiyim qanomachichiguiñi ná'ogue na qomyipi quena 'laua. (28.23-29 Qaraqata so qomyipi neetaugui na na'aateripi chaqai 'ue da qaỹachaxantapeguem yi Jerusalén.)

Jeremías 20:7

Qami' ỹa'gaxala', qami' yayiñi', chaqai ỹim ñañaanta quiyim yayiñi'; paguec da rquesaxanaxa'e', ca' yaqachiriñi. Naua'que naua na'xata' chi qayi'neetac; ná'ogue i'neetac aỹim.

Jeremías 43:1

Ca co'na' so Jeremías ỹomat quiyim ỹa'xatetapeguem sá'ogue so qomyipi da la'qaatec ñi qara'gaxala' ñí'maq qota'olec quesaua'maxare,

Jeremías 43:2

ca' so Azarías, só'maq llaalec so Osaías, so Johanán só'maq llaalec so Carea chaqai saua liỹa' ỹale' nemaqajnaxaqa 'nerac queso Jeremías: —¡Qami' quedá'maq 'ñirac na'majñisac! Ñi qara'gaxala' ñí'maq qota'olec coqomi' mesqai 'naapega qami' quiyim sqai saxague da Egipto.

Mateo 1:18

Da 'neeta da ne'xaỹoqsoxoc so Jesucristo 'neetasa': Aso late'e María co'na' mashic letaxaỹaxaua so José quiyim loua. Chaqai na' saqa' noua', qa' aso'maxare 'man, chicqochigui da lquesaxanaxa so Espíritu Santo.

Mateo 9:24

Ca' so Jesús 'naaco' queso'maxare: —Qo'ñiiuec, 'iu'oguiyi quenajo. Ná'maq nequetegaxai se ileu. Ta'ta'a quiyim laqata. Ca' so qomyipi i'neetac so'maxare.

Lucas 24:11

Qam saua nelaatqa 'ec chi nasaguiric nqai'ne' da ỹa'xatesac saua'maxare, ca sqai huerelec.

Lucas 9:42

Qam co'na' noquiigo so ne'nec, ca' so le'ec lecmaxaic nenaxañi quena 'laua, ca lotqai ileueta nqai'en. Qam so Jesús nelaxa so le'ec lecmaxaic, ca imeuec nqai'en so ne'nec. Ime, ca ỹopilaxatot so leta'a.

Hechos 17:32

Ca' sojo qomyipi co'na' 'xaỹa dajo quiyim na leuaxaic liỹa nca'leuec, ca 'uo' na i'neetac. Qam na liỹaripi 'naaco': —Ma' liỹa, ca ña'xaỹaxanaxa qami' quedajo, ma' liỹa 'xachi' dajo.

1 Tesalonicenses 5:3

Ma' na qomyipi 'ne'teguesa' da la'qaatec: “Quená'ogue sqaicanqaida chaqai sqaica ca qaỹouetaque”, ca' novita ma'le ca nouaxanaxaset chalego lecaic chi ne'laqataxanto, 'nejem ca nqui'ic caca 'aalo quiyim ỹovita ca laloqo' quiyim co'o. Ca' qaica ca qohit.