Génesis 19:13 - La'qaatqa ñi qota'olec Qota'olec & Qota'olec Novita Na Qomyipi

¹³ ma' qomi' ñopoxoỹaxataxañi najo na'a'. Ma' mashic 'xoic na na'qaatqaipi se no'uen, ỹoviretacot ñi qara'gaxala' quedá'maq se no'uen ỹo'ueetetac na qomyipi na'ñi najo na'a'. Vichiguiño' nelate' qomi' quiyim sopoxoỹaxataxagui.

Génesis 19:13 Iomraidhean Croise

Génesis 13:13

yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Génesis 18:20

Ca ñí'maq qara'gaxala' ra'qaataxano' na'le, ca 'naaco': —Yi qomyipi na'ñi yi Sodoma chaqai yi Gomorra ỹaatqajam se no'uen da na'qaataxac, chaqai chalego lecaic da lasauaxaset.

Génesis 19:12

Co'na'le, ca' saua huoxoiqa 'neraco' queso Lot: —¿'Uo' ca liỹa qauochi' le'ec quenajo? 'Guiñirau'alo caua qachaalaxahi', chaqai caua qachaalli', chaqai caua radonaxanaxahi', chaqai cá'ogue cá'maq hueetaugui na na'a'. Naqachira'alo, ca qoỹoqo'tegue ca viquitegue quenajo,

Jeremías 44:22

Qam ñi qara'gaxala' tot nalo'guit ná'maq se no'uen 'viichitac, ná'maq se nqo'ta ñi'maxare. Vichiguiño' na na'lauahi nagui qanopoxoỹaxajñi chaqai tot qaica ca naalec. Ca ñigui quiyim naloqojnaxanaxaqui' quiyim 'ue ca se no'uen qainaxalec ca qom, quecá'maq ỹa'ue ca nqolonaxa.

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

Santiago 5:4

Añí'maq rishiuetenaxanqachii se ipaguigui nqai'ñii quena qomyipi quená'maq ro'ueenataxantac naqatetac na la na qadañicshiguii, chaqañi añí'maq ro'laxanta'pegue' caqamiri. Ca' ñi qota'a ma' la'gaxala' ná'ogue na piguim laseripi, ca ñi'maxare 'qaatapega da laualaxac na 'ueenataxanaxairipi.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.