Génesis 19:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' mashic sham napalñi, ca' saua dos nelaatqa piguim lase' ỹovirero quiyi Sodoma. Ca' so Lot nqa'xantañi quiñi lasom yi na'a' yí'maq hua'ñi lapooqo' na qomyipi. Ca co'na' idaana'guita, ca ne'laxashiguim, ca'guita. Ca' nqai'guiñi, ỹoviraqta'guit na latap na 'laua.

Génesis 19:1 Iomraidhean Croise

Génesis 11:27

Ca' 'ena na llaalqaipi so Taré só'maq leta'a so Abram, Nacor chaqai so Harán. Ca' so Harán chaqaiso' so leta'a so Lot.

Génesis 13:12

Ca' so Abram no'ueenalec yi 'laua Canaán. Ca' so Lot quepegue' quiyim naañigui yi na'aateripi naalec so ca'megue sqoỹoqaque nqai'en yi na'a' lodegaxat Sodoma,

Génesis 18:16

Ca na' ime, ca' saua huoxoiqa nachaachiñi, ca que', taategue da Sodoma. Ca' so Abraham coỹarerauec saua'maxare, ma' ỹahotaque niquinto.

Génesis 18:22

Ca' dos sauá'maq que', querepegue' yi Sodoma, qam so Abraham ñaq reloqota'guit ñi qara'gaxala'.

Génesis 19:10

Qam saua na'piicha' so Lot iconera'oga so'maxare, ca' inoxonaxatero queca 'imec, ca' ỹaporigui ca lasom.

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 23:12

Qam so Abraham liỹa ỹa'chi'iñi naua le'cootal queso qomyipi la'a' yi'maxare.

Génesis 48:12

Ca' so José naqata'alo saua ñaaqolqai' quenaua loteletari so leta'a. Ca' ỹa'dooto naua le'cootal, ỹoviraqta'guit na latap na 'laua.

Lucas 17:28

Ca' chaqaida 'neete' saua ñaxari hueetauguilo so Lot: so qomyipi que'eetac, chaqai ne'teetac, chaqai chi nemeentecta', chaqai danaxantac, chaqai ỹo'ueeteta'pe naua la'aate'.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

Rut 4:1

Ca co'na' shi'gom queso na'xa'a, ca' so Booz eec quepegue' yi ñigo quiyi na'a', ca' nqa'xanñi quiyi lapooqo'o' quen na qomyipi. Ca co'na' que'tegueyi so liỹa lauo' le'ec só'maq 'neetapego' so Booz, ca 'naaco' so Booz: —Vei, ỹala'e' quenajo, nqa'xanyiñi. Ca só'maq lauo' le'ec eec, ca' nqa'xanñi.