Génesis 18:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam sqaisoota so huaqui llaalec, ma' so Abraham naueguec so ques, chaqai saua huaca lo'i'. Ca so'maxare ỹaatqajam 'ue da lquelolaxa na' ñaq que'eeta'pe saua'maxare neeso'ot yi la'al aca qo'paq.

Génesis 18:8 Iomraidhean Croise

Génesis 18:7

Ime, ca' so Abraham ne'guenta'oga yi hueeta'ñi so laloipi, ca' nca'au'a só'maq ỹaatqajam 'uegaxasaq huaqui llaalec. Ca' ỹaanem so lelaatec, ca so'maxare que'guena'gue ỹauaaque na'ic.

Génesis 18:9

Ca co'na' ỹa'aate', ca sauá'maq ỹouoota'pe inate' so Abraham: —¿Negue' ca hueeta'gue aca roua'e' Sara? Ca so'maxare 'naaco': —Hueetaugui ñi qouo' na'daañi.

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Isaías 7:15

Quesaua 'auaxaqa niñaxari so noctoqui', ca na qomyipi ỹa'queetac ma'le na ra'ñaata' lo'i' chaqai na rapic li'i.

Lucas 12:37

Chalego la'maxa quecauajo nelaatqa quiyim ma' novi' ca na'coote' iuanejlgoto quiyim ñaq neloosauec ma' novi'. Ỹaatqajam llic da shinac quecajo a'co' na'maxajñi, ca nqa'xanaxañiñi caua'maxare, iloxoỹaxandelec ca nqui'ỹaxala', ime, ca' niỹoqshiguim ca na'ic.

Lucas 17:8

'E', ta'ta'a quiyim 'ñirapega: “'Maxachiriñi ca noq, chaqai quelollira'pegue' aỹim, toco' ma' ime sque'e chaqai ñi'et. Ca' qaigueme shichi' qui'i' chaqai ni'chi' qami'.”

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Lucas 24:43

Ca so'maxare ỹacoñiguita. Ime, ca' ỹa'ic, ỹa'ajansac nqai'ne' saua'maxare.

Juan 12:2

Ca' qaỹo'uet so na'ic qaique'eelec so Jesús, ca aso Marta imeentapeguec so na'ic. Ca' so Lázaro ỹalequetaho, reloqotalec so nqui'ỹaxala', lqui'ỹaxaua so Jesús.

Hechos 10:41

Qam mesqai ná'ogue na qom nachaxana; qoqometa, ma' qomi' shi'gue lca'acse' ñí'maq qota'olec quiyim sa'xataq dá'maq qarauanaxanaxac, ma' qomi' qarqui'ỹaxaua chaqai qane'taxaua na' ime liỹa nca'leuec.

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.

Jueces 13:15

Qam so Manoa se ỹa'den quiyim só'maq retaqata'pegue' nelaatec piguim le'ec. Ca' 'naaco': —Qouaquiroxoric, ñaqai vire'e najo, qaiyi sa'guinaq ma'le ca quetaq llaalec sa'maxatqatañi. Qam so nelaatec piguim le'ec 'naaco': —'Enquet yo'ueenañi, qam qaiyiita se ñouana'to qamiri queca qanoxohi. Qam qamiri shichii 'ỹaañiỹot ñi qara'gaxala', ca qaỹavigaxat cajo quetaq llaalec.