Génesis 18:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ime, ca' so Abraham ne'guenta'oga yi hueeta'ñi so laloipi, ca' nca'au'a só'maq ỹaatqajam 'uegaxasaq huaqui llaalec. Ca' ỹaanem so lelaatec, ca so'maxare que'guena'gue ỹauaaque na'ic.

Génesis 18:7 Iomraidhean Croise

Génesis 18:6

Ca' so Abraham inoxonouguio' so lauo' na'daañi, ca 'naaco' caso Sara: —¡Qui'guiñira'gue! Coñita ca veinte kilos quecá'maq no'uen 'aríña, ca 'viichi' caua paañi'.

Génesis 18:8

Qam sqaisoota so huaqui llaalec, ma' so Abraham naueguec so ques, chaqai saua huaca lo'i'. Ca so'maxare ỹaatqajam 'ue da lquelolaxa na' ñaq que'eeta'pe saua'maxare neeso'ot yi la'al aca qo'paq.

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Amós 6:4

Saxaitalec ná'maq chalego loyac qa'xanaxala' no'ueetaxat ana loue ana ladoco loue, 'ec npaloochitac quenaua remaqachigohi, qui'iitac quena qagreta llaalec chaqai na huaqui llaalec 'uegaxasaq.

Malaquías 1:14

¡Se no'uen da naatalec da nachaalataxac cá'maq choxonataxanaxai, cá'maq 'naac quiyim ỹaanot aỹim ca isecỹac no'ueenta, ỹachigoxotaugui na laloipi. Ime, ca' ỹaanot aỹim ca 'ue ca la'aqset! Ỹim ná'maq sapacauec quená'ogue na nashillipi, chaqai aỹim nqolonaxat quená'ogue na ỹoreta'oguit qomyipi. Dajo dá'maq 'naac ñi qara'gaxala' sqaica lqalanec.

Mateo 22:4

Ca' lotqai ỹa'vii saua liỹa' ilate' lelaatqa. Ca 'naaco': “'Ñiỹapegalo caua ỹalecse' quiyim mashic ná'ogue na na'ic ỹa'maqatañi quiyim qaỹa'ic. Mashic selaataxanlgoto quiyim qaỹalauate' saua iloo huaca chaqai ná'maq ỹochaxaratec iloipi. Chaqai ná'ogue mashic ỹa'maqatañi. Naguipegue' na nashilaxac.”

Lucas 15:23

Ime, ca' naviguiuo cá'maq ỹaatqajam 'uegaxasaq huaqui llaalec, ca' lauachii. Ime, ca ¡squi'ỹaq, so'ueetaq ca qaremaqachic!

Lucas 15:27

Ca só'maq ne'nec 'naaco': “Ñi rqaỹa'e' novi', vichiguiño' ñi qata'ahi relaataxanlec quiyim qaỹalauat so ỹaatqajam 'uegaxasaq huaqui llaalec, ma' ñi'maxare novi' 'maxaraic chaqai no'ueenta.”

Lucas 15:30

Qam nagui novi' ñi qachaalqui' ma' chi iualaxain aso qadami' cana nanatqa lo'o', ca' lauataxañirelec, lauachi' so huaqui llaalec 'uegaxasaq.”

1 Samuel 28:24

Ca' aso 'aalo, ca' eec, ỹalauat so huaqui llaalec 'uegaxasaq neeta'ñi yi la'a', chaqai ỹaqaulachit so 'aríña. Ca' ỹalataq aso laqaulata qaca aca lalequete pe'taxachigui.