Génesis 18:31 - La'qaatqa ñi qota'olec Qota'olec & Qota'olec Novita Na Qomyipi

³¹ Qam so Abraham qaiyiita da lepagaxallic: —Qami' ỹa'gaxala', chi yi'xoriñi' quiyim sashiila'e' quedajo, qam ¿negue' quet ca 'neeta quiyim ỹovite' caua veinte caua sqaica ca lasauaxasete'? Ca' ñi qara'gaxala' 'naaco': —Quecauajo veinte, ca' qaica ca shine'tegue yijo na'a'.

Génesis 18:31 Iomraidhean Croise

Génesis 18:27

Qam so Abraham liỹa 'naac: —Chi yi'xoriñi'sac quiyim 'ue da liỹa sa'xat caqami', ma' ỹaatqajam qami' qota'olec, ca' ỹim chaqaỹim qom.

Génesis 18:30

Qam so Abraham liỹa pilalec renataxan: —Sashiila'e' quiyim sqai 'ohi' quiyim sopiltalec cá'maq sa'xatetac sashiila'isac, qam sqoue 'vii caua treinta. Ca' ñi qara'gaxala' 'naaco' queso'maxare: —Vire'ta quiyim 'vii caua treinta, ca' sqaica ca shine'tegue yi na'a'.

Génesis 18:32

Qam so Abraham qaiyiita 'ue da lepagaxallic: —Qouaquiric qami' ỹa'gaxala', totaxan 'o'iriua'. Ma' qaidaatoqui' dajo ỹa'qaatec, ca' tot liỹa setaqa. Qam ¿no'm huañirejlgoto caua diesolqai'? Ca' ñi qara'gaxala' 'naaco': —Vire'ta quecauajo diez, ca' se seshit ñalauajñi yi na'a'.

Mateo 7:11

Ma' quiyim qamiri hualoxona', qam 'yiiñii 'ỹaañim cá'maq no'uen ca qachaalguii, ¡huose'quet ñi qota'a ñí'maq viilec neeta'gue da piguim, ñi'maxare ỹaanec cá'maq no'uen quecá'maq qarashiilaxanaque!

Mateo 7:7

Shiilaxañii, ca' ñi qota'olec ỹaanema qamiri ma'le cá'maq shiilaxañitaque; daañiỹaque, ca nachiỹa; togoxoiuo ñi lasom, ca qaỹauate'ogalo qamiri.

Lucas 11:8

Ca' ỹim shinac qaiyiita quet ne'laxashiguim, qam mesqaida quiyim so'maxare namígo. Qam ỹo'uet, qaiyi totqai queeta da ledaxanataxanaxac, ca ỹaanem cá'ogue cá'maq ỹouentaque.

Lucas 18:1

So Jesús ỹa'uo' ca raloqojnaxana co'na' ỹahotaque quiyim rapaxaguinataxanegue quiyim se neme ca qouagaxainaxac ỹaatqajam se qoỹaxanñi.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.