Génesis 18:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Qam so Abraham liỹa 'naac: —Chi yi'xoriñi'sac quiyim 'ue da liỹa sa'xat caqami', ma' ỹaatqajam qami' qota'olec, ca' ỹim chaqaỹim qom.

Génesis 18:27 Iomraidhean Croise

Génesis 18:28

Qam sqoue quiyim saqa'lecaua cincolqai', ca ỹovite' caua cincuenta. Ca' ¿quiyim sqaicaua caua cincolqai', ca qaiyiita poxoỹaxachirigui yi na'a'? Ca' ñi qara'gaxala' 'naaco' queso'maxare: —No'm sanata ca cuarenta y cinco, ca' se ñalauajñi.

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Esdras 9:6

Ca' shinac: —Qami' ỹa'gaxala' qota'olec, qami' ỹa'gaxala' qota'olec, ỹaatqajam chalego da ỹayiloxo, chaqai tot sa'den ca shine'tegue quiyim ñqouagaxainot qami'. Ma' na se no'uen mashic ỹapacshiguim coqomi', chaqai na qarasauaxaset mashic ỹovitot na piguim.

Job 4:19

¡Huose'quet quena chaqai qom ma' paguec qaica ca lquesaxanaxa, 'ec ca 'imec 'laua qaỹa'yiñi queca lamoxoiqa', ca ca'maxare ishit qaipataxañi, 'ec ca pit hueetaugui ca nooỹac!

Salmos 8:4

ca viichigui na iuel quiyim shinacsa': ¿Negue' quet ná'maq chi ỹale? ¿Negue' quet ná'maq chaqai qom? ¿Chi'negue ma' sqa 'laxachite chaqai quelollisapega na'maxare?

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Isaías 64:8

Qam qami' ná'maq qami' qareta'a; qomi' nauá'maq qomi' nishaaxa, ca' qami' ná'maq qami' no'xonaxanaq; ¡qomá'ogue qomi' ro'ueenataxahi'!

Lucas 18:1

So Jesús ỹa'uo' ca raloqojnaxana co'na' ỹahotaque quiyim rapaxaguinataxanegue quiyim se neme ca qouagaxainaxac ỹaatqajam se qoỹaxanñi.

Lucas 5:8

Ca co'na' iuana dajo so Simón, ca' ỹa'dooto naua le'cootal so Jesús. Ca' 'naapega, 'naaco': —Noỹoochirec caỹim qami' ỹa'gaxala', ma' ỹim ỹaatqajam aỹim ỹale sauaqhuaic.