Génesis 18:23 - La'qaatqa ñi qota'olec Qota'olec & Qota'olec Novita Na Qomyipi

²³ Cocho'qui' liỹa nqo'not so'maxare, ca' inato': —¿Liỹaata'ñi' nqai'ñi' na sqaica ca lasauaxaset ná'maq sauaqhuaiquipi?

Génesis 18:23 Iomraidhean Croise

Génesis 18:24

Ma' sqoue 'ue ca ỹovite' cincuenta caua sqaica ca lasauaxasete' quiyi na'a'. Qam ¿peeta'a qaiyiita nomachichiriñi yi na'a', ca' sqai 'xoriñi' chicqochiguilo caua cincuenta?

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

Génesis 20:4

Qam so'maxare ma' saqa' ỹovichiguit aso'maxare, ca 'naaco': Qami' ỹa'gaxala', ¿peeta'a vi'saque lauachi' cá'maq saqa'leca ca ỹo'uet se ỹa'maxañi?

Job 8:3

Ñi qota'olec ñí'maq qaica ca lqalanec se ỹauanapega quiyim ỹo'uet quet ca se no'uen, loqo'm ca se leloxoỹaxac.

Salmos 73:28

Qam ỹim ñqo'neu'a ma'le ñi qota'olec, ma' caỹim da'maxare paguec la'maxa. Qami' ỹa'gaxala' qota'olec, quepaqataxañiseguelec aỹim, ca' ỹim sa'xat ná'ogue ná'maq ro'ueenachiqui'.

Éxodo 23:7

'Neeto' lotqai 'isapegueu'a ca na'qaataxanaxac quiyim sqai llic, chaqai sqai 'ỹaañichiguit quiyim qaỹalauat cá'maq sqaica ca taỹapegueu'a chaqai quiyim sqaica ca lasauaxaset. Ma' ỹim sqai shinac sqaica ca lasauaxaset cá'maq 'ue ca ỹasauaxat.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.

Santiago 5:17

So la'qaataxanqajnec ñi qota'a, leenaxat Elías, so'maxare qom 'neete'm qomi'. Qam na' nqouagaxain, ỹashiila ñi qota'a quiyim le'en ca ỹaxat, ca' qaica ca ỹaxat queuguilo saua tres ñaxari chaqai seis shiriguiri.