Génesis 18:2 - La'qaatqa ñi qota'olec Qota'olec & Qota'olec Novita Na Qomyipi

² Ca co'na' so Abraham nedaanashiguim, ca' saua tres ỹale' reloqoso'ot so'maxare. Ca co'na' iuane'talo, ca ne'laxatashiguim quelola'pegueto, ca nqai'guiñi ỹoviraqta'guit na latap na 'laua.

Génesis 18:2 Iomraidhean Croise

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

Génesis 18:16

Ca na' ime, ca' saua huoxoiqa nachaachiñi, ca que', taategue da Sodoma. Ca' so Abraham coỹarerauec saua'maxare, ma' ỹahotaque niquinto.

Génesis 18:22

Ca' dos sauá'maq que', querepegue' yi Sodoma, qam so Abraham ñaq reloqota'guit ñi qara'gaxala'.

Génesis 18:3

Ca 'naaco': —Qami' ỹa'gaxala', sashiila'e' quiyim sqaua' qui'.

Génesis 19:1

Ca co'na' mashic sham napalñi, ca' saua dos nelaatqa piguim lase' ỹovirero quiyi Sodoma. Ca' so Lot nqa'xantañi quiñi lasom yi na'a' yí'maq hua'ñi lapooqo' na qomyipi. Ca co'na' idaana'guita, ca ne'laxashiguim, ca'guita. Ca' nqai'guiñi, ỹoviraqta'guit na latap na 'laua.

Génesis 23:12

Qam so Abraham liỹa ỹa'chi'iñi naua le'cootal queso qomyipi la'a' yi'maxare.

Génesis 23:7

Co'na'le, ca' nachajñi so Abraham, ca' ỹa'dooto naua le'cootal so hitita laseripi.

Génesis 24:63

Ma' so'maxare tauco' ỹouoiguiri' lecocho'qui' na' sham napalñi. Ca co'na' namatashiguim, ca' iuañi'chiguit so nauaanaxanaxa late'ellipi qoyintalec ỹalamaxatetaho.

Génesis 32:24

Ca co'na' qaisoota nodaatec so Jacob, ca anaco' so ỹale. Ca' reloquita'pegue' so'maxare pelom, chi ỹovireto'o' na' richiguiñi.

Génesis 42:6

Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 43:26

Ca co'na' so José ỹoviro quiyi la'a', ca saua'maxare ỹaane' so ne'xatete' lachitaxanataxanaxate'. Ime, ca ỹa'chi'iñi naua le'cootal, ỹoviraqta'guita naua lataapi' na 'laua.

Génesis 43:28

Ca' saua'maxare liỹa ỹa'chi'iñi naua le'cootal, ca 'neraco': —Ñi qareta'a ñí'maq relaachiqui' ỹa'maqachiguiñi, ñaqa 'ue.

Génesis 44:14

Ca co'na' so Judá chaqai saua lqaỹa' ỹovirera'a yi la'a' so José, ca so'maxare ñaqai neeta'anyi. Ca ỹa'chi'iñi naua le'cootal, ỹoviraqtera'guit naua lataapi' na 'laua.

Génesis 48:12

Ca' so José naqata'alo saua ñaaqolqai' quenaua loteletari so leta'a. Ca' ỹa'dooto naua le'cootal, ỹoviraqta'guit na latap na 'laua.

2 Reyes 2:15

Ca' so netaxaỹaxaquiripi na'ñi yi Jericó ñaqai hueeta'ta'gue da liỹa lemanaxa. Co'na' ỹauanchigui dajo, ca 'naaco': —¡Ñaqai 'ajñii da lquesaxanaxa so Elías ta'ñigui so Eliseo! Ca co'na'le, ca so qomyipi ca'guit, ca' ỹa'dooto naua le'cootal.

Romanos 12:13

Tauañii ná'maq mashic icoñiguit da na'qaatec quecanchaqaica ỹouentaque, chaqai ỹaatqajam daañii'chiguit quelolliỹa cá'maq na'piichaxahi.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

1 Pedro 4:9

Nquelolliỹata' quenaua ra'aachiri, qaica ca se no'uen ca la'deenataxanaxac.

Jueces 13:3

Qam so lelaatec ñi qara'gaxala' piguim le'ec nachaxana, ca 'naaco' caso'maxare: —Qami' ỹaatqajam se ỹauanapega 'ue ca qachaalqui', qam nagui, ca' qami' 'mañi', ca 'ue ma'le ca qachaalqui'.

Rut 2:10

Ca' aso Rut ỹa'chi'iñi naua le'cootal, ỹoviraxata'guit na latap na 'laua. Ca inato' so Booz: —¿Chi'neco' ma' ỹaatqajam lamaxachichirigui aỹim quiyim yi'xoriñi' quiyim ỹoqa'a ca sachicqa'gue?