Génesis 18:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 18:19 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Génesis 17:9

Ñi qota'olec 'naaco' qai'neeta queso Abraham: —Qam qami' machichirigui da qana'maqataxac, qami' chaqai ná'ogue na qachaalaxai'pi.

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 35:2

Co'na'le, ca 'naaco' so Jacob queso llaalqaipi chaqai quesá'ogue so liỹaripi: —Naqachiuec ná'ogue na nqolaqaipi hueeto'oto qamiri. Nachillii, chaqai dalaxachii' naua qatoohi.

2 Samuel 7:20

¿Negue' queto' ca liỹa shinac, qami' ỹa'gaxala', ma' qami' ya'yiiñite' ma' ỹim relaachiqui'?

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Salmos 1:6

Ma' ñi qara'gaxala' qota'olec netela'a da llicyaxac na 'maxataxaraiquipi, qam da llicyaxac na hualoxonyipi taata'a quiyim na'laañi.

Amós 3:2

Qaqamita qamiri ñca'au'alo quená'ogue na qomyipi quena 'laua. Vichiguiño' sa'ue da nouaxanaxashichii quená'ogue ná'maq 'viichitac se no'uen.

Mateo 25:17

Ca' chaqai 'nejem só'maq icoñiguit aso dos mil, ca lotqai lauegue aso liỹa dos mil.

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

Hechos 27:31

Qam so Pablo ỹa'ue la'xaỹaxac so nouaataxanaq lashi chaqai so nalliripi, 'naaco': —No'm dauajo quere'e ana qarahi', ca' qamiri qaica ca naquichitaque quiyim rca'lliuec.

Efesios 6:4

Chaqai qamiri ma' qamiri neta'al, sqai 'ooqochichii' caua qachaalaxahi. Ta'ta'a quiyim naquetashi'me' nqai'ñii da no'uen na'deenataxanaxac, paxaguiñita'gue quiyim huelec so qara'gaxala'.

1 Timoteo 3:12

Ca lotaua ca na'gaxala' ỹaatqajam 'oono'lli' aca loua nqai'en, chaqai ỹa'den idaanlec ca llaalquenaxanaxac chaqai ca lomashaxac.

2 Timoteo 1:5

Chaqai quena' so'leente'te dá'maq 'maxaraic rpi'ỹaxaqui'. Dajo no'uen npi'ỹaxac 'aue'tot aso rcomeena'e' Loida chaqai aso qachii'i' Eunice, ca' nagui sa'deenta quiyim hueeto'ot qami' qai'neeta dajo npi'ỹaxac.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

2 Timoteo 3:15

Ma' na' ñaqaqami' noctoqui' chaqa'ma' 'yiiñi' naua naneresañi la'qaatqa ñi qota'a, ma' ishite' rapaxaguiñi' chaqai raviquira'guit da nca'laxa dá'maq chicqochigui da qarpi'ỹaxac queso Cristo Jesús.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Jueces 13:12

Co'na'le, ca' so Manoa 'naaco': —Ma' ỹovita ca laloqo' quiyim ipaquichigui dá'maq 'xachitema qomi', ¿negue' cá'maq shinqata'gue quiyim siỹaxataq cajo noctoqui'? ¿Negue' cá'maq shinqata'gue ca qarcochaxac quiyim siỹaxataq ca'maxare?