Génesis 18:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca 'uo' da lqolonaxa aso Sara co'na' 'xaỹa dajo. Ca na'le, ca shimo' noqolliguit aso Sara, ca vichiguiño' 'naaco': —Ỹim se saỹalegueretac. Qam ñi qara'gaxala' 'naaco': —Ỹim sa'den quiyim qami' ỹalliguiri'.

Génesis 18:15 Iomraidhean Croise

Génesis 12:13

Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Génesis 18:16

Ca na' ime, ca' saua huoxoiqa nachaachiñi, ca que', taategue da Sodoma. Ca' so Abraham coỹarerauec saua'maxare, ma' ỹahotaque niquinto.

Génesis 4:9

Co'na'le, ca ñi qara'gaxala' inato' so Caín, 'naaco': —¿Negue' ca hueeta'gue ca rqaỹa'e' Abel? Ca' so Caín 'naaco': —'Taque', se sa'den. ¿Qa' ỹim quet neloxoỹaq queca'maxare?

Job 2:10

Ca' so Job 'naaco' caso'maxare: —¡'Aalo'e', se ỹa'maxañi quiyim se no'uen ca 'xachi'! Ma' qomi' seconaxaguit ná'maq lo'yaxanec nelatalo qomi' ñi qota'olec, ca ¿negue' quet cá'maq 'neeta quiyim se seconaxaguit ca se no'uen? Ca' quedá'ogue dajo so Job qaica ca lasauaxaset, chaqai vire'ta qaica ca ỹo'maauec la'qaatec.

Marcos 2:8

Qam só'maq Jesús chaqa'ma' ỹa'den dá'maq la'deenataxanaxague' saua'maxare, ca 'naaco': —¿Chi'negue ma' 'ñiita'gue dajo, da ra'deenataxanaxaguii?

Juan 18:17

Ca' so neloxoỹaxa quiñi lasom inato' so Pedro: —¿Mesqai qami'o' qai'neeta lapaxaguinatec sojo ỹale? Ca' so Pedro 'naaco': —'E', mesqaỹim.

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

Efesios 4:23

Ta'ta'a quiyim dalaxachii da no'ueenataxaguii chaqai da ra'deenataxanaxaguii,

Colosenses 3:9

Se na'majñiỹot ca liỹa, ma' shi'gue ỹochihe'oga dá'maq 'auaxaic no'ueenataxaguii chaqai quená'maq shi'gue quen 'viichitac.

1 Juan 1:8

No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.