Génesis 18:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ ¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Génesis 18:14 Iomraidhean Croise

Génesis 17:16

Ỹaatqajam yqouaguegue añi'maxare, ca' sa'ue ca qachaalqui' chicqochigui nqaishin añi'maxare. Ajá'a, ỹaatqajam yqouaguegue ma'le. Ca añi'maxare late'e ma'le na ỹoreta'oguit qomyipi, chaqai ca llaalqaipi nashillipi ma'le quena ỹoreta'oguit qomyipi.

Génesis 17:21

Qam da ña'maqataxac se'taxajñi ma'le ca Isaac ca llaalec añi Sara 'ue ma'le ma' ime na ñaaxa.

Génesis 18:10

Ca' so 'óna quesaua'maxare 'naaco': —Quena liỹa ñaaxa lotqai liỹa ña'piicha qami', qala' 'ue ma'le ca llaalec añi roua'e' Sara. Qam aso Sara na'xaỹaxantapega sá'ogue so na'qaatqaipi, hueeta'gue na lelaq so Abraham, hueete'e ñi ñigo quiñi 'imec na'daañi.

Génesis 18:13

Qam ñi qara'gaxala' 'naaco' queso Abraham: —¿Chi'negue ma' raỹaleguere añi Sara? ¿Sqai huelec peeta'a quiyim 'ue ma'le ca llaalec ma' mashic qo'xoỹom?

Génesis 18:15

Ca 'uo' da lqolonaxa aso Sara co'na' 'xaỹa dajo. Ca na'le, ca shimo' noqolliguit aso Sara, ca vichiguiño' 'naaco': —Ỹim se saỹalegueretac. Qam ñi qara'gaxala' 'naaco': —Ỹim sa'den quiyim qami' ỹalliguiri'.

Génesis 21:1

Ca' ñi qara'gaxala' na' ỹa'deentapega aso Sara, ca ipacqajanchigui dá'maq 'naaco' na'le.

Génesis 21:2

Ca 'mano' na'le, ca 'uo' na'le so llaalec so Abraham na' so'maxare mashic qo'xoỹom. So noctoqui' ne'xaỹauquio' só'maq laloqojnec ñi qota'olec.

2 Reyes 4:16

Ca co'na'le, ca' so Eliseo 'naaco' caso'maxare: —Quena liỹa ñaaxa, ca' 'ue ca qachaalqui' ma' ỹovire'oga najo na'xa'a. Ca aso'maxare 'naaco': —'E', qami' ỹa'gaxala', se yayiñi', ma' qami' nale ñi qota'olec.

Salmos 90:13

¡Qami' qara'gaxala', rapillitalo qomi'! ¿Chi' laquio', ca novichi'? ¡Ñaq rqouaquiteguelo qomi', qomi' relaataxahi'!

Salmos 95:3

Ma' ñi qara'gaxala' chaqaiñi ñi qota'olec lodegaxat, chalego lecaic lashi ná'ogue na nashiilqaipi nqolaquipi.

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Mateo 14:31

Ca' so Jesús chaqa'ma' icoñiguit da lqai'laxat. Ca 'naapego': —¡Ỹaatqajam cocho'qui' da rpi'ỹaxaqui'! ¿Chi'neco' ma' sham qollictaxañi'?

Mateo 19:26

Ca' so Jesús ỹamatauguilo saua'maxare, ca 'naaco': —Na qomyipi se ishit ỹo'uet dajo. Qam ñi qota'olec ishit ỹo'uet dá'ogue.

Mateo 3:9

Qam 'neeto' lotqai hueetapigui qavillii quiyim 'ñiỹac: “Qomi' llaalqaipi so Abraham.” Ma' ỹim shinac ñi qota'a ishit ỹo'uet ca llaalqaipi so Abraham, ỹachigoxochichiguilo nauajo qari.

Marcos 10:27

Ca' so Jesús ra'ỹauguilo, ca 'naaco' quesaua'maxare: —Na chaqai qomyipi se ishit ỹo'uet dajo, qam ñi qota'olec ishit, ma' ñi'maxare qaica ca lqalanec.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:18

Ca' so Zacarías inato' so qota'a lelaatec: —¿Nega'ỹo' ca 'neeta ca leloxoỹaxac, qaiyi aỹim sa'deenta dajo? Ma' ỹim mashic aỹim qo'xoic, chaqai añi ỹoua.

Lucas 1:37

Ma' ñi qota'olec sqaica ca lqalanec.

Lucas 8:50

Ca' so Jesús co'na' 'qaachigui dajo, ca 'naapego' so Jairo: —Totaxan ro'chi'i'. Chaqaidaata quiyim vi'relec, qaiyi aca qachaalli'i' imeuec ma'le.

Romanos 4:21

quiyim ỹaatqajam i'taxachichiguiñi quiyim ñi'maxare 'ue da lquesaxanaxa quiyim ỹo'uet ipacqajanchigui dá'ogue dá'maq ỹachaxantac.

Efesios 3:20

Ca' nagui, ca' semaqachinaq ñi qota'a ñí'maq 'ue da lquesaxanaxa quiyim ishit ỹapacqajnauec cá'maq ỹo'uet quecá'maq sashiilaxanqataque, loqo'm ca sa'deenqataque, chicqochigui nqai'en da lquesaxanaxa hueetauguilo qomi', ro'ueenataxantac.

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Filipenses 4:13

Seshit ña'ñaxachiguit ná'ogue, ma' Cristo só'maq ỹa'ue da iquesaxanaxa.

Hebreos 11:19

Ma' so Abraham ỹaatqajam ỹa'deenta quiyim ñi qota'a 'ue da lquesaxanaxa quiyim liỹa nca'laxatec na leuaxaiquipi. Ca dá'maq leloxoỹaxaco' na'le dajo, 'ec quiyim so Abraham liỹa icoñiguit so llaalec chicqochiguingui yi leuaxaiquipi.

Jueces 13:3

Qam so lelaatec ñi qara'gaxala' piguim le'ec nachaxana, ca 'naaco' caso'maxare: —Qami' ỹaatqajam se ỹauanapega 'ue ca qachaalqui', qam nagui, ca' qami' 'mañi', ca 'ue ma'le ca qachaalqui'.