Génesis 18:1 - La'qaatqa ñi qota'olec Qota'olec & Qota'olec Novita Na Qomyipi

¹ Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 18:1 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 14:13

Qam 'uo' so ỹale ñitec, ca eec quepegue' so hebreo le'ec, leenaxat Abram, neeta'ñi yi 'xoic ana qo'paq leenaxat encina, lalamaxaret so Mamre, so amorreo le'ec. So Mamre lqaỹo' so Escol chaqai Aner, ca saua'maxare chi lotaua' so Abram.

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 17:22

Ca co'na' ỹomat da ỹa'xatetac ñi qota'olec queso Abraham, ca' eec, ca'e yi'maxare.

Génesis 18:22

Ca' dos sauá'maq que', querepegue' yi Sodoma, qam so Abraham ñaq reloqota'guit ñi qara'gaxala'.

Génesis 20:1

Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 26:2

Hua'ño'yi, ca' ñi qara'gaxala' nachaxano' so'maxare. Ca 'naaco': Totaxan 'itegue da Egipto. Ñira'ño' cá'maq ỹim shicapi'ñi.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 48:3

Ca 'naaco' queso José: —Ñi qota'olec ñí'maq sqaica lqalanec nachaxana ỹim na'le quiyi na'a' Luz huaugui yi 'laua Canaán. Ca' nañaañim da no'uen la'qaatec.

Éxodo 4:1

—Caalata'm sqai huelec aỹim ma'le chaqai se na'xaỹaxañiua' —'naaco' so Moisés—. Ta'ta'a quiyim 'naac ma'le caỹim: Peeta'a se nachaxana qami' ñi qara'gaxala'.

Hechos 7:2

Ca so'maxare 'naaco': —Ỹaqaỹarolqa chaqai qamiri ita'alolqa, ñaq na'xaỹaxañiua'. Ñí'maq chalego lecaic qota'olec coqomi' na' nachaxana so 'auaxaic qareta'a Abraham co'na' neeta'ñi yi 'laua Mesopotamia, co'na' saqa' lachi, quepegue' yi 'laua Harán.

Hebreos 11:9

Ca ma' 'uo' da lpi'ỹaxac so Abraham, ca' ỹovira'a neetalec só'maq 'laua qaỹachaxantapega quiñi qota'a, qam 'ec se lalamaxaret nqai'en ca 'laua neetalec. Ma' so'maxare neetaugui so na'daañi 'imcoqui'. Chaqai chaqaida 'neeto'o' na'le so Isaac chaqai so Jacob, ma' saua'maxare qai'neete' iconchiguit só'maq qaỹachaxantac.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.