Génesis 17:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ỹim so'uet ma'le quiyim 'xoic ca qachaalaxai'pi; chicqaugui ma'le qami' ca nashillipi chaqai na ỹoreta'oguit qomyipi.

Génesis 17:6 Iomraidhean Croise

Génesis 13:16

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 17:16

Ỹaatqajam yqouaguegue añi'maxare, ca' sa'ue ca qachaalqui' chicqochigui nqaishin añi'maxare. Ajá'a, ỹaatqajam yqouaguegue ma'le. Ca añi'maxare late'e ma'le na ỹoreta'oguit qomyipi, chaqai ca llaalqaipi nashillipi ma'le quena ỹoreta'oguit qomyipi.

Génesis 17:20

Chaqai quiñi Ismael ñí'maq sa'xaỹa'pegue caqami', ca' qai'neeta yqouaguegue. Ca' ỹim so'uet quiyim 'xoic ca llaalqaipi chaqai quiyim nqo'neuec ca llaalqaipi. Ca' ñi Ismael leta'a ma'le caua doce 'xoic lecaic nashillipi, chaqai chicqochigui nqaishin ca ỹaatqajam 'xoic qomyipi.

Génesis 17:4

—Da ña'maqataxac nagui caqami' 'neetasa': Qami' leta'a ma'le ná'ogue na ỹoreta'oguit qomyipi,

Génesis 26:22

Ca' so Isaac eec qoỹoqo'tegue da taigue quiyi'maxare, ca lotqai ni'ỹa aso liỹa ni'ỹa. Ca' mashic tot qanco'uagui aso'maxare. Ca' ỹanegue leenaxat neuagaxa, ma' 'naaco': Nagui ñi qara'gaxala' ỹo'uet da qareuagaxa quena senqata'ñi quiyim ñqo'naxashiguim.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 41:52

Ca' so dalaxaic llaalec, ca ỹanegue leenaxat Efraín, loqo'm paguelec ana ỹaxataxai, ma' 'naaco': Ñi qota'olec ỹo'uet quiyim 'ue na ỹaalqaipi quena 'laua hua'ñi na 'xoic da ñqa'viic.

Génesis 47:27

Ca' so Israel llaalqaipi naalec yi Egipto, ỹa'ue la'a' quiyi 'laua leenaxat Gosén. Ca quiyi'maxare, ca' nqo'neuec, ca ỹaatqajam 'xoic.

Génesis 48:3

Ca 'naaco' queso José: —Ñi qota'olec ñí'maq sqaica lqalanec nachaxana ỹim na'le quiyi na'a' Luz huaugui yi 'laua Canaán. Ca' nañaañim da no'uen la'qaatec.

Génesis 48:4

Ca da la'qaatec 'neetasa': “Aỹim saanem ma'le qami' ca 'xoic qachaalaxai'pi. Ca' cajo qachaalaxai'pi chicqaugui ca ỹoreta'oguit qomyipi. Chaqai cajo qachaalaxai'pi saanem quiyim lalamaxaret ma'le najo 'laua, qaica ca rouootaxana'gue.”