Génesis 17:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Abraham nqai'guiñi, ỹoviraqta'guit na latap na 'laua. Ca' raỹaleguere co'na' ỹa'deene'ta: Ca ỹale ỹovite' caua cien ñaxari, ¿peeta'a ishito' quiyim neta'a? Chaqai añi Sara, ¿ishito' 'ue ca llaalec quiyim mashic ỹovite' noventa ñaxari?

Génesis 17:17 Iomraidhean Croise

Génesis 17:18

Ca so'maxare 'naaco' quiñi qota'olec: —¡Paguec la'maxa quiyim chaqaiñi quet ñi Ismael ñi taalec quet ca rqouagaxa'e'!

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

Génesis 18:11

Qam so Abraham chaqai aso Sara mashic qo'xoiqam, ca aso Sara mashic qac da la'aaxa quena lqo'xo.

Génesis 18:12

Vichiguiño' aso Sara se nalo'guit so le'naxanaxa, ca 'ñiichiquio' lauel: ¿Tegue' cá'maq la'maxa iuel ma'le, ma' ñí'maq ỹoua chaqai aỹim mashic qomi' qo'xoiqam?

Génesis 21:5

So Abraham ỹovito'o' saua cien niñaxari co'na' ne'qaañi so Isaac.

Génesis 21:6

Ca co'na' ra'deenataxantac aso Sara, ca 'naaco': Ñi qota'olec raỹaleguere nqai'en aỹim, chaqai ná'ogue ná'maq ỹa'den quiyim 'ue ñi ỹaalec, qai'neeta raỹaleguere.

Génesis 21:7

Ỹaatqajam sqaica ca qom hueetapigui lauel quiyim sco'iguit quet so Abraham. Qam nagui 'ue ñi llaalec, 'eno'm mashic qo'xoỹom so'maxare.

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Ezequiel 1:28

'ec na qoñi'gue quena' re'oq quena naueguelec quena' chita'gue ỹaxanegue na ỹaxat. Ca' chaqaida 'neeta na' re'oq da lauaq ñi qara'gaxala'. Ca' na' seuana, ca' ñqa'paxañiguit na 'laua, soviraxatañi na ỹatap.

Levítico 9:24

nenoxonec so norec chicqo'tot ñi qara'gaxala', ca' ỹavigaxat sá'ogue só'maq isecỹac só'maq qaỹahotaque qaỹavigaxat, ca' qoỹaanot, chaqai aso lo'ỹo hueetalec aso ncopatoxonaxalate. Ca co'na' qaiuanchigui dajo, ca sá'ogue so Israel llaalqaipi ỹaatqajam ỹaualqagui queda netoonaxac. Ca ỹa'chi'iñi naua le'cootal, ỹaatqajam ỹoviraqta'guita naua lataapi' na 'laua.

Números 14:5

Ca' so Moisés chaqai so Aarón ỹa'chi'iñi naua le'cootal, ca ỹoviraqtera'guit naua lataapi' na 'laua, ỹaatqajam qaiuanchiguilo quesá'ogue so qomyipi.

Mateo 2:11

Ca co'na' inoxondo queca 'imec, ca iuanteta so noctoqui' chaqai aso María só'maq late'e. Ca' ỹa'chi'iñi naua le'cootal, ca' imaqachine' so noctoqui'. Na' ime, ca ỹauajñiguilo saua lloxoqui', ca ỹachite' quena 'oro, chaqai nichiinaxanaxat, chaqai na louaq ana qo'paq lo'daxaraic lahita, leenaxat mirra.

Lucas 1:18

Ca' so Zacarías inato' so qota'a lelaatec: —¿Nega'ỹo' ca 'neeta ca leloxoỹaxac, qaiyi aỹim sa'deenta dajo? Ma' ỹim mashic aỹim qo'xoic, chaqai añi ỹoua.

Juan 8:56

So Abraham só'maq chigoxoiỹaugui qamiri netoon na' ỹa'deentapega iuana ca ỹoviraxaqui. Ca na' iuana, ca ỹaatqajam no'xagui queda netoonaxac.

Apocalipsis 11:16

Ca na'le saua veinticuatro qo'xoiquipi nqa'xantañigui ana nqa'xanaxaqui queda reloqota'gue ñi qota'a, ỹa'chi'iñi na le'cootal, ỹoviraqtera'guit na 'laua naua lataapi'. Ca' imaqachinsac ñi qota'a.

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.

Jueces 13:20

Ca co'na' nachipishiguim so norec caso ncopatoxonaxalate. Ca' so Manoa chaqai aso loua ỹauanchirigui so nelaatec piguim le'ec quiyim taashiguim quena piguim, queetougui so norec lauaq. Ca saua'maxare ỹa'dooto naua le'cootal ñi qara'gaxala', ỹoviraxatera'guit naua lataapi' na 'laua.