Génesis 17:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ỹaatqajam yqouaguegue añi'maxare, ca' sa'ue ca qachaalqui' chicqochigui nqaishin añi'maxare. Ajá'a, ỹaatqajam yqouaguegue ma'le. Ca añi'maxare late'e ma'le na ỹoreta'oguit qomyipi, chaqai ca llaalqaipi nashillipi ma'le quena ỹoreta'oguit qomyipi.

Génesis 17:16 Iomraidhean Croise

Génesis 1:28

Ca' ỹaanouguilo da no'uen la'qaatec, 'naaco': 'Xoic, ỹaatqajam 'xoic nqai'ñii ca qachaalguii; no'xataxachijlec na 'laua chaqai 'viiquiñitac; chaqai 'viiquiñitac na nalliñipi chaqai na ỹoipi, chaqai ná'ogue na iseripi nqai'queetegueri'.

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 15:4

Ca' ñi qara'gaxala' 'naaco': —Qami' ma'le, ca 'ue cá'maq ỹaatqajam ralamaxarichi' qachaalqui', cá'maq taalec da resallaxa'e', mesqai ca ỹoqa'a.

Génesis 17:15

Ñi qota'olec 'naaco' qai'neeta queso Abraham: —Añi roua'e' totqai leenaxat nagui da Sarai. Ca' nagui, ca' leenaxato' Sara.

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Génesis 17:6

Ỹim so'uet ma'le quiyim 'xoic ca qachaalaxai'pi; chicqaugui ma'le qami' ca nashillipi chaqai na ỹoreta'oguit qomyipi.

Génesis 21:1

Ca' ñi qara'gaxala' na' ỹa'deentapega aso Sara, ca ipacqajanchigui dá'maq 'naaco' na'le.

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 25:23

Ca' ñi qara'gaxala' 'naaco': Na qavilli' hueesagui yaua dos qomi' chicqaugui ma'le ca ỹoreta'oguit qomyipi; dos yaua neuo' lase' saqa' ne'qa'iñi, qala' reloquitecta'. 'Óna yi paguec lquesaxanaxa ma'le quiyi liỹa, yí'maq na'aasa ỹapacauec ma'le quiyí'maq ỹi.

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 36:31

Ca' 'ena ná'maq nashillipi ỹoiquentac yi Edom na' saqa'leca ca nashi quena llaalqaipi so Israel:

Isaías 49:23

Naua nashillipi ra'ualaxahi' qata'alli' ma'le, chaqai nauá'maq llaallipi neloxoỹaxallipi caqami' ma'le. Chaqai nqa'paxanñi, ỹoviraxata'guit nqai'en na latap na 'laua, ca' neneequesenta, ỹachaxan dá'maq quiyim se napacalec aqami'. Ca 'yiiñira'a ma'le quiyim ỹim ná'maq ỹim na'gaxala', ca ná'maq pi'ỹa'a ỹim mese pe'taxantegueri'.

Romanos 9:9

Ma' dá'maq ỹachaxantac na'le ñi qota'olec queso Abraham 'neetasa': “Ma' ỹovita ca laloqo', ca ỹim ñanac ma'le, ca' ñi Sara 'ue ma'le ca llaalec.”

Gálatas 4:23

Da ne'xaỹoqsoxoc so llaalec aso na'á ỹaatqajam chaqaida dá'maq ne'xaỹoqsoxoc ná'ogue ná'maq re'qoochigui ñaaqaipioqui'. Qam co'na' ne'qaañi só'maq llaalec aso se na'á, ca' ipaquichigui dá'maq ỹachaxantac na'le ñi qota'a.

1 Pedro 3:6

Ca' chaqaida 'neeto' na'le aso Sara, ma' ỹaatqajam na'xaỹaxane'ta so Abraham. Ca co'quena' roỹaxana, ca 'naaco' quen “ỹa'gaxala'”. Qamiri qai'neeta viriỹau'a ma'le quiyim 'ñiita aso'maxare, no'm 'viichii ca ỹa'maqachiguiñi chaqai qaica ca ro'chiỹaque.