Génesis 17:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam cá'maq sqaica ca netanec quena loshicmaxa, ca' se ishit neetauguilo qamiri, ma' napacalec da qana'maqataxac.

Génesis 17:14 Iomraidhean Croise

Génesis 17:15

Ñi qota'olec 'naaco' qai'neeta queso Abraham: —Añi roua'e' totqai leenaxat nagui da Sarai. Ca' nagui, ca' leenaxato' Sara.

Génesis 34:14

Ca 'neraco': —Se seshitaq saanqaem añi qarqaỹa cá'maq sqaica ca netanec na loshicmaxa. Ma' no'm shinqa'tegue dajo, ca pa'ỹo'oto qomi' ca qarayiloxo.

Éxodo 12:15

Ca a'guii ma'le na pan qaca aca lalequete caná'maq pe'taxachigui quecaua siete na'xata'. Ca quecá'maq 'auaxaic na'xa'a, ca chaqa'ma' qaca ana nalequetenaxanqate pe'taxachigui na pan quenaua ra'aachiri. Ma' canchaqaica no'm ỹa'ic ca pan 'ue aca lpe'taqate, ca' qaỹoỹoote'oga quena llaalqaipi so Israel.

Jeremías 31:32

Dajo qana'deenaxac totqai 'nejem so qana'deenaxac queso 'auaxaic qataa'illipi, na' secona'a da lqai'laxat, ca' ñaqata'a quiyi Egipto; ma' saua'maxare se ipacqajanyigui so ña'deenaxac, 'eno'm ỹaatqajam ỹalamaxaret. Ỹim na'gaxala', se'taxajñi da ỹa'qaatec.

1 Corintios 11:27

Ca' vichiguiño' quecá'maq canchaqaica ỹa'ic na pan, loqo'm ni'chigui ana 'taxaqui quecá'maq vigui quena' qaỹo'leente so qara'gaxala', quiyim 'eco' qaica ca 'negue nqai'en quiñi qota'a, ca' 'ue ca lasauaxaset ca'maxare queso loshicmaxa chaqai quesaua leuo' so qara'gaxala'.

1 Corintios 11:29

Ma' no'm que'e loqo'm ne'et, qam sqai huapigui lauel quiyim ỹa'queetac ca loshicmaxa so qara'gaxala', ca' da lqui'ỹaxac chaqai da ne'taxac chicqaugui ca nouaxanaxaset.